Gen. Nyamvumba yasabye abasirikare binjijwe muri RDF kurangwa n'imyifatire myiza

AGEZWEHO


Gen. Nyamvumba yasabye abasirikare binjijwe muri RDF kurangwa n'imyifatire myiza

Yanditswe December, 29 2017 at 17:41 PM | 2677 Views



Abasirikare bato bashya binjijwe mu ngabo z’u Rwanda (RDF) nyuma yo gusoza amasomo yabo y’ibanze ajyanye n’umwuga wo kurinda umutekano w’igihugu. Ni umuhango wabereye I Nasho mu karere ka Kirehe uyobowe n’umugaba mukuru w’ingabo z’u Rwanda Gen Patrick Nyamvumba.

Umugaba mukuru w’ingabo z’u Rwanda Gen. Patrick Nyamvumba yabwiye aba basore n’inkumi basoje amasomo y’ibanze ya gisirikare abinjiza mu ngabo z’u Rwanda kugira imyifatire myiza bagafatanya na bakuru babo basanze mu rugamba rwo kurinda no guteza imbere igihugu.

Umugaba Mukuru w’Ingabo z’u Rwanda, Gen Patrick Nyamvumba wanavuze mu izina ry’Umugaba w’Ikirenga w’Ingabo z’u Rwanda, Paul Kagame, Perezida wa Repubulika yabasabye kuzakora neza inshingano zabo ndetse no  kurangwa n’imyifatire myiza no gukunda umurimo.

Umuvugizi w’Ingabo z’u Rwanda, Lt Col Innocent Munyengango avuga ko abasirikare bashya binjiye muri RDF ari amaraso mashya mu rugendo rwo gukora igisirikare cy’umwuga gishobora kurangiza inshingano zacyo zo kurinda ubusugire bw’igihugu.

Aba basirikare bashya basoje amasomo yabo bari baratangiye mu kwezi kwa gatatu uyu mwaka.



Ba wambere gutanga igitekerezo

Tanga igitekerezo:



RSS FEED

Abasivile n'abasirikare bagira uruhare rukomeye mu kwimakaza amahoro-Col.Ji

RDF yatangiye gusimbuza abasirikare bari mu butumwa bw'amahoro muri Darfur

RDF yasuwe n'intumwa idasanzwe y'umunyamabanga mukuru wa Loni muri Cen

Toni zigera ku 130 z'intwaro zarengeje igihe zatangiye gusenywa n'inga

Abasirikare 16 baturutse muri Sri Lanka bari mu ruzinduko rw'iminsi 14 mu R

Gen.Enzo Vecciarelli yusuye igisirikare cy'u Rwanda mu rwego rwo kwagura um