U Rwanda ruzagenderwaho muri gahunda ya 'Smart Cities' muri Africa

AGEZWEHO


U Rwanda ruzagenderwaho muri gahunda ya 'Smart Cities' muri Africa

Yanditswe February, 10 2017 at 18:51 PM | 488 Views



Minisiteri y'urubyiruko n'ikoranabuhanga yamurikiye abafatanyabikorwa bayo  mu gutegura gahunda y'imijyi  ijyanye n'igihe smart cities nka kimwe mu bizashingirwaho  mu gushyira mu bikorwa  umushinga wa Smart Africa. 

Abitariye iyi nama bunguranye ibitekerezo ku buryo bwo kunoza gahunda ya smart cities u Rwanda  rwitegura kumurikira  ibindi bihugu  byo ku mugabane wa Afurika  byibumbiye mu ihuriro rya Smart Africa rigamije guteza imbere uyu mugabanae hifashishijwe ikoranabuhanga.

Mu mwaka w' i 2013 ni bwo nyakuhabwa perezida wa repubulika  Paul Kagame yatangije ihuriro rya Smart Africa rigamije guhindura  umugabane wa afurika  no kuwugeza ku iterambere rirambye hifashishijwe ikoranabuhanga.

Mu gushyira mu bikorwa uyu mushinga u Rwanda rwiyemeje  gutegura gahunda ya Smart Cities no kuba intangarugero mu kuyishyira mu bikorwa kugirango ibindi bihugu bizarwigireho.

Mu nama yahurije hamwe minisiteri y'urubyiruko n'ikoranabuhanga  n'abafatanyabikorwa bayo mu gutegura  gahunda ya Smart Cities, iyi minisiteri yasobanuye ibishingirwaho mu kubaka iyi mijyi, "icya mbere smart city ni connected city.Ni umujyi abantu bashobora gukoresha ikoranabuhanga ku buryo bworoshye. Icya kabiri ni umujyi ufite umutekano. Icya gatatu ni ibijyanye n'ibindi bikorwa remezo amazi n'amashanyarazi,cyangwa se ibikorwa remezo by'ibanze  ni gute ikoranabuhanga rigira uruhare mu kugirango  bikore neza" Ministre Jean Philbert Nsengimana.

Iyi ntambwe u Rwanda rumaze gutera mu gushyira mu bikorwa gahunda ya smart cities ni yo ruzamurikira ibihugu bigera kuri 17 byibumbiye mu ihuriro Smart Africa mu nama izabihuriza mu Rwanda mu kwezi kwa gatanu k'uyu mwaka.



Ba wambere gutanga igitekerezo

Tanga igitekerezo:



RSS FEED

Urubyiruko rugomba kugeza mu 2050 imirimo itakiri ikibazo--Min. Nsengimana

Urubyiruko rukwiriye kubyaza umusaruro inkoranabuhanga bihangira imirimo--MYICT

Hagiye gutangizwa ikigega kizafasha ba rwiyemezamirimo muri ICT kubona igishoro

Inteko ivuga ko amagambo akoreshwa mu ikoranabihanga ashobora gusoba abaturage

Haracyari ikibazo cy'abakoresha murandasi na telefone zigezweho mu byaro--M

Ministre Nsengimana avuga ko umurongo wa murandasi uzarushaho gusakazwa mu 2020