Imbuto Foundation yatangiye gahunda y'ubujyanama ku bahungu barokotse Jenoside

AGEZWEHO


Imbuto Foundation yatangiye gahunda y'ubujyanama ku bahungu barokotse Jenoside

Yanditswe July, 01 2017 at 14:10 PM | 2839 Views



Umuryango Imbuto Foundation watangiye gahunda y'ubujyanama ku bana b’abahungu barokotse Jenoside yakorewe Abatutsi muri 1994. Kugeza ubu iyo gahunda izwi nka 'mentorship program' yahabwaga abana b'abakobwa aho abagize ayo mahirwe bavuga ko yabunganiye kwiyubakira umusingi w'ubuzima bwabo bava mu bwigunge.

Nyuma y'imyaka itatu abakobwa barokotse Jenoside yakorewe Abatutsi muri 1994, bagize amahirwe yo kubona inama zibakura mu bwigunge bakubaka ubuzima bwabo, aba bakobwa basabye ko basaza babo nabo babona ayo mahirwe kuko ahanini bahuraga n'ibibazo byenda gusa.

Nyuma yuko madamu wa Perezida wa Repubulika Jeannette Kagame yumvise icyo cyifuzo, abana b'abahungu bibumbiye mu muryango wa AERG bahuye n'abazababera abajyanama ubwabo bemeza ko bishimiye ko babonye abo bazafatanya urugendo rwo kwiyubaka.

Aba bajyanama bo bumva batewe ishema no kunganira no kugira inama uru rubyiruko mu masomo, no gusangira ubuzima kuko abenshi baba baravukijwe aya mahirwe na Jenoside yakorewe Abatutsi bagashimangira ko bidasaba ubushobozi bw'ikirenga ahubwo ari ubwitange busaba umwanya wo gutega amatwi uru rubyiruko.

Mu kiganiro n'umuyobozi w'imbuto Foundation Sandrine Umutoni yavuze ko imbuto yakoze ibi ku rwego rwabo ariko iki gikorwa ari ingenzi ku nyungu rusange z'igihugu akifuza ko umurongo wacyo ukwiye kwagurwa mu banyarwanda bose.

Imbuto Foundation ni umuryango washinzwe na madame wa nyakubahwa Perezida wa Repubulika ukaba wibanda ahanini kunganira no gufasha urubyiruko n'umuryango mugari w'abanyarwanda mu nzego zitandukanye nk'uburezi, ubuzima n'ibindi bizamura imibereho yabo.



Ba wambere gutanga igitekerezo

Tanga igitekerezo:



RSS FEED

Abanyeshuri 23 nibo basoje amahugurwa yateguwe n'Imbuto Foundation

Urubyiruko 650 bari mu mahugurwa yo kwitegura kinyamwuga

Jeannette Kagame yahuye n'abana b'imfubyi 300 muri gahunda ya Mentorsh