Kiyovu yatsinze APR bwa mbere mu myaka 12, iyitsinze igitego kimwe ku busa

Ikipe ya Kiyovu Sports ibonye intsinzi ya kabiri muri shampiyona itsinze APR FC igitego 1-0 cya Moustapha Francis mu gice cya mbere cy’uyu mukino w’umunsi wa kane wa shampiyona wabereye ku Mumena.

Kiyovu Sports yaherukaga gutsinda APR FC mu 2005 mu gihe na Cassa Mbungo yaherukaga gutsinda APR FC mu 2014 atoza AS Kigali.

Kiyovu Sports yatsinze umukino wa mbere muri shampiyona ari nawo iheruka gukinira kuri iki kibuga ubwo yatsindaga Musanze FC 1-0, mbere yo gutsindwa na Rayon Sports 2-0 na Miroplast 2-1.

Ku ruhande rwa APR FC ya mbere kugeza mbere y’uyu mukino yatsinze Sunrise FC 2-0, inganya na Marines FC 1-1 mbere yo gutsinda AS Kigali 2-1.