Yanditswe Nov, 07 2018 22:20 PM | 12,385 Views
Kuri uyu munsi
nyafurika w’itangazamakuru, urwego rw’igihugu rw’imiyoborere RGB rwamuritse
ubushakashatsi ku ishusho y’itangazamakuru mu gihugu, ubushakashatsi bugaragaza
ko igipimo cyo kubona amakuru cyavuye kuri 69.6% muri 2016 kikagera kuri 72.4% mu 2018.
Gushyira
ahagaragara ishusho y’uko itangazamakuru ry’u Rwanda rihagaze ni kimwe mu
byaranze kwizihiza umunsi nyafurika w’itangazamakuru. Ubushakashatsi bwashyizwe
ahagaragara n’urwego rw’imiyoborere RGB,bugaragaza ko abaturage bafitiye
icyizere itangazamakuru ryo mu Rwanda ku
gipimo cya 75.3%.
Iki gipimo hamwe n’ikijyanye n’uburyo bwo kugera ku makuru cyavuye kuri 69.6% kikaba kigeze kuri 72.4% nyuma y’imyaka ibiri, ni bimwe mu biteye ishama abakora umwuga w’itangazamakuru nubwo bavuga ko ntabyera ngo de. Jean Pierre Kayitare, ati "Ubona ko ibyakozwe ari byinshi kuko usanga itangazamakuru risigaye ryegera abaturage hariya hasi, ugasanga baravuga ibibazo byabo kandi bigahita bicyemuka. gusa ntiwavuga ko byose byacyemutse kubera ko hari abayobozi batarumva umumaro w'itangazamakuru ugasanga igihe baguhera amakuru kiba cyarenze.''
RGB igaragaza ko
amategeko yorohereza ubwisanzure bwo gutanga ibitekerezo n’ubw’itangazamakuru,
bwamanutse buva kuri 82.1% muri 2016 bugera kuri 81.3% muri 2018.
Iyi raporo inagaragaza uburyo abanyamakuru bakurikiza amahame agenga umwuga wabo ndetse n’andi mategeko agenga itangazamakuru bwasubiye inyuma buva kuri 71.4 mu 2016 bugera kuri 64.2% mu 2018 ni nako kandi ingingo ijyanye no gufata itangazamakuru nk’urubuga rwo guteza imbere Demokarasi, byasubiye inyuma bigera kuri 74.9% bivuye kuri 75.7%.
Minisitiri muri Perezidansi ya Repubulika, Judith Uwizeye asanga itangazamakuru rifite uruhare runini mu kugeza afurika aho igana. Ati, ''Gutangaza inkuru nyazo zivuga kuri afurika ni ingenzi cyane mu mpinduka twifuriza umugabane wacu. abaturage nabo bafite umwanya munini muri uru rugendo afurika ifite. gutanga amakuru ni ingenzi cyane mu gutuma ijwi rya rubanda ryumvikana no kubaza abayobozi inshingano zabo.''
Iyi raporo ya RGB igaragaza ko ibitangazamakuru byinshi mu byo bitangaza bifite ubushobozi bw’imari ihagije, bishyirwaho kandi bicungwa mu mucyo byavuye kuri 62.2% mu 2016 bigera kuri 66.2% mu 2018.
Guteza imbere umwuga w’itangazamakuru, kongera ubushobozi no gushyigikira imiryango iharanira ubwisanzure bw’itangazamakuru byari kuri 59.4% mu 2016 birazamuka bigera kuri 68.4% mu 2018.
Ibikorwa remezo biteza imbere itangazamakuru ryigenga, byavuye kuri 71% mu 2016 bigera kuri 72.4% mu 2018.
Abaturage bagerwaho n’Ibitangazamakuru n’uko babona amakuru, ibi byarazamutse biva kuri 65.8% byariho mu 2016 bigera kuri 76.4% mu 2018. Muri rusange RGB igaragaza ko iterambere ry’itangazamakuru ryazamutse riva kuri 69.6% ryariho mu 2016 rikaba rigeze kuri 72.4% mu 2018.
Mu gukora ubu bushakashatsi habajijwe abantu barenga ibihumbi 11, barimo abaturage, abanyamakuru, abikorera n'imiryango itegamiye kuri Leta.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru