Kuva u Rwanda rwatangira guha abanyafrika viza ku mupaka,abarusura bariyongereye

AGEZWEHO


Kuva u Rwanda rwatangira guha abanyafrika viza ku mupaka,abarusura bariyongereye

Yanditswe April, 12 2017 at 16:54 PM | 933 Views



Service ishinzwe abinjira n'abasohoka iratangaza ko kuva u Rwanda rwatangira guha abanyafurika viza bageze ku mupaka, abanyafurika barusura biyongereye ku gipimo cya 53%. Gusa bamwe mu banyuzwe n'iki cyemezo basanga n'ibindi bihugu bigifashe byaba ari ingirakamaro.

Hashize imyaka 4 irengaho amezi make u Rwanda rutangiye korohereza abanyafurika, kwinjira mu gihugu bagahabwa viza bakimara kuhagera. Mbere byasabaga kujya kuri za ambasade z'u Rwanda cyangwa gusaba kuri internet. Umuvugizi w'Ikigo gishinzwe abinjira n'abasohoka Yves Butera avuga ko iki cyemezo cyatumye abanyafrica bagana u Rwanda biyongera ku gipimo cya 53%.

“Imwe mu mbogamizi abantu bakunze kugira iyo bagenda, viza nayo ibamo. Viza ikibazo cyane si amafaranga ariko uburyo isabwa, ibonwa. Iyo ukuyeho izo mbogamizi ugatanga iyo viza ku mupaka ni ibintu bifasha igihugu kigatera imbere,ari umuturage ari ba bandi baza binjiye wabafashije bagateza igihugu imbere nabo bakiteza imbere. Tubirebye kurwego rwa Afurika , Afurika nk'umugabane ugatera imbere ariko u Rwanda rwabyungukiyemo nk'igihugu” Yves Butera

Abaturage bo mu bihugu byo muri Afurika bishyura amadorali y'amanyamerica 30 bakigera ku mupaka.

Icyemezo nk'icy'u Rwanda cyabereye urugero ibindi bihugu 13 bya Afurika.

Ikigo gishinzwe abinjira n'abasohoka mu Rwanda, kivuga ko abasura u Rwanda biganjemo abaza mu nama mpuzamahanga, kwivuza, gusura incuti zabo, no kuhakorera ishoramari.

Usibye abakomoka kuri uyu mugabane wa Afurika, abandi bafatira viza mu Rwanda ni abo mu bihugu bya Austalia, Germany, New Zealand, Afurika y'epfo, Sweden, Ubwongereza na USA.

Ku rundi ruhande, abaturage bo muri Hong Kong, Philippines, Mauritius, Singapore, na Repubulika Iharanira Demokarasi ya Kongo bemerewe kumara iminsi 90 mu Rwanda nta viza mu gihe abo mubihugu 6 bigize umuryango wa Afurika y'i Burasirazuba bo bahabwa amezi 6.




Ba wambere gutanga igitekerezo

Tanga igitekerezo:



RSS FEED

Inama ku ikoranabuhanga y'ihuriro y'amashyaka ya politike mu Rwanda

Polisi y'u Rwanda yatangije ubukangurambaga bwo kwirinda impanuka zo mu muh

Ibigo bya Isange One-Stop Center bikwiye gushyirwa mu bigo nderabuzima--Sena

Abadepite bo muri Burkina Faso bari mu Rwanda kwiga ku miyoborere n'uburing

Abantu bose baturutse hanze bazajya bahabwa viza bageze mu Rwanda--'Immigra

Uruganda rukora moto mu Rwanda ruvuga ko rukora moto nyinshi kurusha izigurwa