Kwibuka Jenoside yakorewe abatutsi muri MINEDUC

Ministre w' uburezi asanga uru rwego rufite akazi gakomeye ko kurerera igihugu abanyarwanda batarangwamo ingengabitekerezo ya genocide, guhera ku burere bahabwa bakiri mu mashuli y'incuke. Ibi Dr Papias Musafiri yabitangaje ubwo hibukwaga abari abakozi 77 bari aba ministeri zabyaye iy'uburezi ndetse n'ibigo byari bizishamikiyeho, bakaza kwicwa muri genocide yakorewe abatutsi.

Ministeri y' uburezi n' ibigo biyishamikiyeho bahuriye ku kicaro cy' iyo Ministere mu rwego rwo kuzirikana ndetse no kwibuka abageras kuri 77 bahoze ari abakozi ba Ministeri y'amashuli abanza n' ayisumbuye na Ministere y'amashuli makuru n' ubushakashatsi ndetse n' ibigo byari bizishamikiyeho bishwe muri Genocide yakorewe abatutsi.

Mu bikorwa biteganijwe gukorwa n'iyi Ministere ndetse n' ibigo biyishamikiyeho mu minsi 100 yo Kwibuka harimo  kurushaho kwegera abarokotse Genocide bo mu miryango y' abakoraga muri Ministeri y'amashuli abanza n'ayisumbuye n'iy'amashuli makuru n'ubushakashatsi mu by'ubuhanga, Gusura inzibutso  za Geoncide no kwegerereza abarokotse bimwe mu bikorwaremezo birimo amazi n' amashanyarazi.

Inkuru irambuye mu mashusho: