Madamu wa perezida wa Kenya Margaret Kenyatta yageze mu Rwanda kwitabira KIPM

Kuri uyu wa gatandatu kibuga cy' indege cya Kigali nibwo Madamu wa perezida wa Kenya, Margaret Kenyatta yageze i Kigali. Yakiriwe n'abanyacyubahiro batandukanye barimo Ambassaderi w' igihugu cya Kenya mu Rwanda, John Mwangemi wari hamwe na Ministre wa Sipro n'umuco Uwacu Julienne.

Madamu wa perezida wa Kenya Margaret Kenyatta azitabira isiganwa mpuzamahanga ku maguru, Kigali  International Peace Marathon, rizaba ribaye ku nshuro ya 13. 

Urubuga rwa Twitter y’ibiro bya madamu wa perezida wa repubulika Jeannette Kagame rugaragaza ko madam Kenyatta azaba ari mu cyiciro cy’abasiganwa ibirometero 7, Run for Peace.

 Twababwira ko muri Werurwe  umwaka ushize, Madamu wa Perezida wa Repubulika y' u Rwanda Jeannette Kagame nawe yari yitabiriye isiganwa ryiswe ''Beyond Zero Campaign", ryabereye i Nairobi mu gihugu cya Kenya rigamije  gutanga ubutumwa bwo kugabanya impfu z'abana n'abagore.