Nyagatare: Abana 18 bahawe imbabazi na Perezida Kagame barekuwe

Nyagatare: Abana 18 bahawe imbabazi na Perezida Kagame barekuwe

Yanditswe January, 21 2018 at 16:57 PM | 3350 Views



Muri Gereza y’abana iri mu karere ka Nyagatare kuri iki cyumweru hafunguwe abana 18 batsinze neza ibizamini bya Leta bagahabwa imbabazi na Perezida wa Repubulika Paul Kagame. Urwego rw’igihugu rushinzwe imfungwa n’abagororwa rwasabye aba bana kuzitwara neza aho bagiye ndetse no kuzakomeza amasomo yabo cyane ko batsinze neza.

Mu bana 18 barekuwe, 15 nibo batsinze ikizamini cya Leta mu mashuri abanza naho abandi 3 batsinze ikizamini cy’icyiciro rusange kandi bose batsindira ku manota yo hejuru.

Kuri iki cyumweru nibwo habaye umuhango wo kubasezeraho ku mugaragaro ndetse banahabwa n’impapuro zibafungura. Umuvugizi w’urwego rw’igihugu rw’imfungwa n’abagororwa CIP Sengabo Hillary avuga ko abana 21 aribo bakoze ikizamini bose batsinda neza ariko ngo hari abo byahuriranye nuko barangije ibihano.

Komiseri ushinzwe kugorora n’imibereho myiza y’abagororwa mu rwego rw’igihugu rw’imfungwa n’abagororwa ACP Bosco KABANDA yabwiye aba bana ko aya mahirwe babonye agomba gutuma bareba kure ntabapfane ubusa.

Ashingiye ku bubasha ahabwa n’amategeko, Perezida Kagame yamenyesheje inama y’abaminisitiri idasanzwe yateranye ku wa 19 Mutarama 2018, ko yahaye imbabazi abana 18 bari bafungiye muri gereza ya Nyagatare bitwaye neza kandi batsinze neza ibizamini bya Leta. Izi mbabazi zitanzwe ku nshuro ya kabiri.



Ba wambere gutanga igitekerezo

Tanga igitekerezo:



RSS FEED

Nyagatare: Imiryango 16 y'abaturage batishoboye yahawe inzu zo kubamo

Nyagatare: Umwana na nyina bishe rubozo ihene 33 z'abaturanyi

Nyagatare: Abahinzi n'aborozi bakomeje kubura ubwatsi n'amazi by'

Nyagatare: Umuhango wo gutangiza icyunamo

RTV SCHEDULE