Perezida Kagame yafunguye ku mugaragaro ikibuga cya Rafiki giherutse gusanwa

AGEZWEHO


Perezida Kagame yafunguye ku mugaragaro ikibuga cya Rafiki giherutse gusanwa

Yanditswe August, 08 2017 at 19:51 PM | 1414 Views



Perezida wa repubulika Paul Kagame avuga ko urubyiruko rw’abanyarwanda ndetse n’abanyafurika bagomba guhabwa amahirwe cyane ko bafite impano zabateza imbere  ndetse n'igihugu muri rusange. Ibi umukuru w'igihugu yabivuze ubwo yatahaga ku mugaragaro ikibuga cya club rafiki, cyasanwe na giants of africa,ugamije gutezimbere umukino wa basketball muri Afurika.

Ku gicamunsi cyo kuri uyu wa kabiri, nibwo ku kibuga cya club Rafiki, ho mu Murenge wa Rwezamenyo mu karere ka Nyarugenge, hari hateraniye abakinnyi, abatoza b'umukino wa basketball ndetse n'abayobozi mu nzego zitandukanye, baje mu gikorwa cyo gutaha ku mugaragaro, ikibuga kizwi ku izina rya club Rafiki, cyasanwe n'umuryango Giants of Africa, ufasha abana b'abanyafurika mu kwerekana impano zabo mu mukino wa basketball.



Perezida Kagame wafunguye ku mugaragaro iki kibuga, mu butumwa yagejeje ku bari aho, yavuze ko ari igikorwa cy’ingenzi mu guteza imbere impano z’urubyiruko

Yagize ati: “Urubyiruko ruri hano rw’abanyarwanda, rw’abanyafurika,bafite impano nyinshi muribo,kandi izo mpano ntizihita ziboneka kugeza igihe baboneye amahirwe nk’aya mubahaye. Kuri ubwo rero ni igikorwa gikomeye mukoze. Kandi no muburyo bwagutse ni nako ibihugu bitera imbere,bijyanye n’amahirwe,bijyanye no gukoresha amahirwe ariko ibirenze ibyo bijyanye n’uburyo ayo mahirwe aboneka.”

Masai Ujiri washinze uyu muryango wa Giants of Africa nawe yemeza ko urubyiruko rwa Afurika rugomba guhabwa amahirwe:

“Gusa usanga akenshi tuganira ku bintu dukenera ariko ntituganire ku bintu dufite,dufite urubyiruko muri Afurika,twahawe umugisha wo kubagira kandi tuzakomeza kubagira mu gihe kirekire kiri imbere,turi umwe mu migabane mito ku isi...kubera iyo mpamvu tugomba gufasha uru rubyiruko.”

Iyi ikaba ariyo mpamvu Perezida wa Repubulika Paul Kagame akomeza ashimira aba bafatanyabikorwa:

“Kandi ntegereje kubabona incuro nyinshi ndetse no kongera nyuma y’aha kubabona muzana izindi  nshuti nyinshi zimeze nkamwe,cyane abantu bafite Afurika, ndetse n'u Rwanda ku mitima yabo.Ni ibyishimo kuri njye kubana namwe hano ndetse no kubashimira kandi nizera ubufatanye burushijeho mu minsi irimbere.”

Bamwe  bagenerwa bikorwa buyu muryango batangaje ko kubera ikibuga cyiza bagiye kugaragaza impano zabo mu buryo bwagutse.

Uyu muryango ukaba utangaza ko iki ari icyiciro cya mbere bakoze ku kibuga cya club Rafiki,ibindi bikazakurikira. Uyu muryango ukorera mu bihugu bitandatu byo muri Afruika harimo n’u Rwanda.




Ba wambere gutanga igitekerezo

Tanga igitekerezo:



RSS FEED

Perezida Kagame yatanze ikiganiro mu kigo cya Brookings

U Rwanda rwishimiye kuba mu bategura amavugururwa ya LONI-Perezida Kagame

Perezida Kagame yitabiriye inama rusange y'Umuryango w'Abibumbye

New York: Inteko rusange ya LONI igiye kuvugurura imikorere y'uyu muryango

Perezida Paul Kagame azitabira inama ya 72 y'Umuryango w'Abibumbye i N

Perezida Kagame yakiriye indahiro z'abayobozi bashya muri guverinoma