Perezida Kagame yahuye n'abagize itsinda ry'abajyanama be

Perezida Paul Kagame kuri uyu wa gatatu yahuye n'abagize itsinda ry'abajyanama be, rizwi nka Presidential Advisory Council. Ni ibiganiro byabereye i Kigali muri Village Urugwiro. ubusanzwe inama y'abagize iri tsinda biteganyijwe ko iba kabiri mu mwaka, bakungurana ibitekerezo ku ngamba zarushaho kugeza u rwanda ku iterambere.

Iri tsinda ryashyizweho muri Nzeri umwaka w'2007, rigizwe n'abanyarwanda n'incuti z'u Rwanda, bafite inshingano zo kugira inama umukuru w'igihugu ku bijyanye n'ingamba z'iterambere, ibyo igihugu gikwiriye guhitamo ndetse n'imishinga mishya cyashyira mu bikorwa.

Abagize iri tsinda ni abantu b'inzobere n'inararibonye mu ngeri zitandukanye z'ubumenyi, harimo n'abagiye bakora imirimo ikomeye mu bihugu byabo cg mu rwego mpuzamahanga, abikorera n'ababarizwa mu zindi ngeri z'ubuzima.