RSSB mu myenda y'ibigo nderabuzima

Byinshi mu bigo nderabuzima byo mu karere ka Rusizi, biravuga ko bihangayikishijwe n’imyenda y’umurengera  bibereyemo ikigo cy’igihugu gishinzwe ubwiteganyirize bw’abakozi (RSSB).

 Abayobozi b’ibi bigo nderabuzima  bavuga ko igice cy’inini cy’uyu mwenda cyatewe n’uko batinze kwishyura, ariko  RSSB nayo ngo ifitiye umwenda munini  ibi bigo nderabuzima kubera ko ukomoka ku madeni aya mavuriro yahaye ikigega cya mutuelle gisigaye kibarizwa muri RSSB.

Iyi myenda  yatangiye kubarwa  guhera  2006, abataragiye  bishyura iyi misoro  bakaba bagomba kwishyura  ndetse hiyongeyeho n’amafaranga  y’ubukererwe.

Haracyakorwa ubugenzuzi kungano y’umubare w’amafaranga  yose ibi bigo nderabuzima bibereyemo RSSB,ariko ngo ashobora kuba atazajya munsi ya miliyoni 200z’amafaranga y’u Rwanda.