Rutsiro: Madamu Jeannette Kagame yashyize ibuye fatizo ahazubakwa ECD

Kuri uyu wa gatatu mu Kagali ka Karambi ho mu murenge wa Kivumu Akarere la Rutsiro, Madamu wa Perezida wa Repubulika Jeannette Kagame yashyize ibuye ry' ifatizo ahazubakwa urugo mbonezamikurire ECD ruzajya rufasha abana b' incuke guhabwa uburere no kwigishwa ikinyabupfura,ndetse n' ababyeyi bakigishwa uko barushaho kwita ku mikurire y' abana babo.

Mu ijambo rye, Madamu Jeannette Kagame yasabye ababyeyi kudapfusha ubusa amahirwe bahawe yo kuba abana babo babonye ahantu bashobora kwitabwaho. Madamu Jeannette Kagame yavuze ko kwita ku buzima bw' umwana bitangira hakiri kare. Ku kigero cya 80%, imikurire y' ubwonko bw' umwana iba afite hasi y' imyaka 3.

Muri ibi bigo abana bafashwa mu kuvumbura impano zabo bakiri bato gukura mu by' ubwenge kwiga ikinyabupfura no kubana n' abandi.

Kugeza ubu umuryango imbuto Foundation ku bufatanye n' abafatanyabikorwa bawo bamaze kubaka ibigo nk' ibi bigera ku 10 mu turere 10. Byafashije abana ibihumbi 6 na 67. Naho ababyeyi 6,034 babiherewemo inyigisho zo kwita ku bana babo.