Yanditswe Dec, 28 2016 13:17 PM | 3,029 Views
Urugaga rw'abikorera mu Rwanda ruravuga ko kwagura ingendo kwa Sosiyete itwara abantu mu kirere-Rwandair bizatuma aboheraza cg abatumiza ibicuruzwa mu mahanga badatakaza umwanya munini n'amafaranga bajyaga bakoresha mu ngendo.
Ibi ni mu gihe guhera mu mwaka utaha Rwandair itangira ingendo zayo ku mugabane w'Uburayi, Aziya na Amerika.
Rwandair isanzwe itanga service z'ingendo mu kirere ahantu 17 muri Afrika ndetse na Dubai. Muri uyu mwaka ugana ku musozo Rwandair yungutse indege 3 nshya kandi nini, ku buryo buri imwe ifite ubushobozi bwo gutwara abagenzi barenga 200.
Umuyobozi mukuru wa Rwandair John Mirenge avuga ko ibi bigamije kwagura ingendo z'iyi sosiyete henshi hashoboka.
Sosiyete ya Rwandair itangaza ko mu mwaka itwara abagenzi bagera ku bihumbi 700 ndetse ko igurwa ry'izi ndege 3 nshya rizasiga nibura abagenzi batwarwa n'iyi sosiyete bikubye kabiri guhera mu mwaka utaha.
Aha niho umuyobozi mukuru wungirije wa PSF unashinzwe ubuvugizi Nkusi Gerald Mukubu ahera yemeza ko kuba Rwandair igiye kwagurira ingendo mu mahanga ya kure bizatuma abohereza ibicuruzwa n'ababitumiza hanze babasha kuzigama amafranga n'igihe cyatakaraga mu ngendo.
Rwandair imaze kugira indege 11 zirimo 2 zo mu bwoko AirBus zizayifasha gukora ingendo zo ku migabane ya kure irimo leta zunze ubumwe za Amerika, uburayi n'ibihugu bya Aziya birimo Ubushinwa n'Ubuhinde. Ingendo zijya muri iyo migabane zikazatangira mu mwaka utaha.
Inkuru irambuye mu mashusho:
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru