U Rwanda na Maroc basinyanye amasezerano y'ubufatanye mu iterambere ry'ubuhinzi

Perezida wa republika Paul Kagame n'umwami Mohammed wa VI wa Morocco bitabiriye umuhango wo gusinya amasezerana hagati y'ibihugu byombi mu bijyanye n'ubufatanye mu iterambere ry'ubuhinzi.

Amaserano yasinywe azibanda ku ngingo 4 arizo; gusangira inararibonye no kohererezanya impuguke, gufatanya mu gufata neza amazi no kuhira imyaka, kongera ishoramari no koroshya itangwa ry'inguzanyo mu buhinzi, n'ishoramari mu kubaka uruganda rukora ifumbire ijyanye n'ubutaka bw'u Rwanda. 

Ministiri w'ubuhinzi n'ubworozi Dr Gerardine Mukeshimana wasinye ku ruhande rw'u rwanda yavuze ko bagiye gukora ibyihutirwa ngo urwo ruganda rw'ifumbire rwubakwe, kuko ifumbire yakoreshwaga mu rwanda mu kuyikora hatitabwaga ku miterere y'ubutaka.