AGEZWEHO


Valens Ndayisenga niwe wegukanye igice cya 2 cya 'Tour du Rwanda'

Yanditswe November, 15 2016 at 14:11 PM | 1075 Views



Kuri uyu wa kabiri, abitabiriye isiganwa ku magare rya Tour du Rwanda, barerekeza mu karere ka Karongi mu ntara y'iburengerazuba.

Iri rushanwa rigeze ku munsi wa gatatu dore ko ryatangiye kuri iki cyumweru aho kugeza ubu umunyarwanda, Areruya Joseph ari we wararanye umwenda w'umuhondo uhabwa umukinnyi wakoresheje igihe gito, nk'uko byagenze mu rugendo rwo kuva Kicukiro berekeza Ngoma mu ntara y'iburasirazuba.

Umunyarwanda Valens Ndayisenga, ukinira ikipe ya Dimension Data for MTN Qhubeka niwe wegukanye igice cya kabiri cya Tour du Rwanda, kuva Kigali kugeza Karongi. Yasiganywe urugendo rungana na kilometero 124.7, aza akurikiwe na Suleiman Kangangi ndetse na Joseph Areruya waje ku mwanya wa gatatu. 

Iri siganwa ni ubwa mbere ryerekeje muri iki gice cy'intara y'iburengerazuba, kuko ubusanzwe bajyaga mu nzira za Rubavu, uyu mwaka bakaba bazanyura no mu turere twa Rusizi na Nyamasheke.




Ba wambere gutanga igitekerezo

Tanga igitekerezo:



RSS FEED

Abakinnyi b'abanyarwanda baracyaza mu myanya y'imbere muri Tour du Rwa

Bugesera: Shampiyona y'amagare yatangiye yegukanwa na Adrien Niyonshuti