AGEZWEHO

  • Tuzemera batunenge ko hari ibyo tutavuze aho kuvuga ibyicisha- Cléophas Barore – Soma inkuru...
  • Minisitiri w'Intebe Dr Ngirente yakiriye Minisitiri w'Ibikorwaremezo muri Koreya y'Epfo – Soma inkuru...

APR FC yatsinze Rayon Sports, irayanikira muri Shampiyona

Yanditswe Mar, 09 2024 18:04 PM | 147,540 Views



Ibitego bibiri bya Niyigena Clément na Niyibizi Ramadhan byafashije APR FC gutsinda Rayon Sports 2-0 mu mukino w’Umunsi wa 24 wa Shampiyona ihita iyirusha amanota 13 ku rutonde rw’agateganyo.

Uyu mukino wabereye kuri Kigali Pelé Stadium kuri uyu wa Gatandatu, tariki ya 9 Werurwe 2024. Wari utegerejwe na benshi ku mpande zombi cyane ko ari umwe mu mikino ikomeye ku butaka bw’u Rwanda.

Ugitangira, APR FC ni yo yawinjiyemo mbere ndetse ku munota wa gatatu yahise ifungura amazamu ku gitego cya Myugariro Niyigena Clément agitsindishije umutwe ku mupira yahawe na Yunusu Nshimiyimana.

Rayon Sports yagiye mu kibuga isabwa gutsinda kugira ngo igabanye ikinyuranyo hagati yayo na APR FC ya mbere ku rutonde rwa shampiyona ariko ntiyahiriwe.

Amakipe yombi yagiye kuruhuka, Ikipe y’Ingabo iyoboye n’igitego kimwe ku busa bwa Gikundiro.

Mu gice cya kabiri, APR FC yakomeje gusatira Rayon Sports nubwo na yo yanyuzagamo igashaka uko yakwishyura igitego nk’ikipe yari mu rugo ariko amahirwe yabonye ntacyo yabyaye.

Umukino uri kugana mu minota ya nyuma, APR FC yasaga n’iri kotswa igitutu yabonye igitego cy’umutekano cyinjijwe na Niyibizi Ramadhan ku mupira yahawe na Kwitonda Alain Bacca ku munota wa 79.

Uyu mukino wasifuwe na Ishimwe Jean Claude ‘Cucuri’, warangiye APR FC itsinze Rayon Sports ibitego 2-0.

Kugeza ubu nyuma y’imikino 24 imaze gukinwa, APR FC ni yo iyoboye urutonde rwa Shampiyona y’u Rwanda n’amanota 58, aho irusha Rayon Sports ya kabiri amanota 13 kuko yo ifite 45.



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe Dr Ngirente yakiriye Minisitiri w'Ibikorwaremezo m

Guverineri Mugabowagahunde yasabye Abayisilamu gukomeza kwitabira ibikorwa byo #

Afurika y'Epfo: Amb. Hategeka yashyikirije Perezida Ramaphosa impapuro zimw

Kwibuka30: Dr Dumas yamuritse igitabo gishingiye ku buhamya bwanditswe n’a

Kenya: Umuryango Mpuzamahanga wasabwe kurwanya imvugo z'urwango zikomeje ku

Perezida Kagame yageze i Londres

Igisirikare cy’u Rwanda n’icy’u Bubiligi byiyemeje kunoza imik

Icyo abasesenguzi bavuga ku ruzinduko rwa Perezida Ramaphosa mu Rwanda