Abadepite batumije Minisitiri w’Ibidukikije ngo atange ibisobanuro ku bibazo bigaragara muri serivisi z’ubutaka

AGEZWEHO

  • Ababyeyi bagana ibitaro bya Gakoma bishimiye ko byatangiye kuvugururwa – Soma inkuru...
  • Kwibohora28: Intambwe yatewe mu buhinzi mu myaka 28 – Soma inkuru...

Abadepite batumije Minisitiri w’Ibidukikije ngo atange ibisobanuro ku bibazo bigaragara muri serivisi z’ubutaka

Yanditswe May, 04 2022 19:56 PM | 81,314 Views



Inteko rusange y'Umutwe w'Abadepite, yafashe icyemezo cyo gutumiza Minisitiri w'Ibidukikije kugira ngo atange ibisobanuro ku bibazo bigaragara muri serivisi z’ubutaka harimo ubutaka bushyirwa mu nyungu rusange ntibwandikwe kuri leta, ibyemezo by'ubutaka bisohoka ntibihabwe ba nyirabyo n'itinda ry'imitangire ya serivisi z'ubutaka muri rusange.

Mu bibazo byinshi bikubiye muri iyi raporo ku micungire y'ubutaka mu Rwanda, iyi raporo yerekana ko hari imanza 421 z'ubutaka leta yimuyeho abaturage ku nyungu rusange ariko ubutaka ntibwandikwe kuri leta.

Hari ibyemezo 347 by'ubutaka byasohotse muri 2011 na 2012 bikibitswe mu mirenge bitahawe ba nyirabyo, ndetse n'ikibazo cyo gutinda gutanga serivisi z'ubutaka ku baturage ku buryo mu turere 7 hagaragayemo gutinda gutanga serivisi z'ubutaka biri hagati y'iminsi 30 n'iminsi 689.

Nyuma yo kugeza iyi raporo ku nteko rusange y'umutwe w'Abadepite, bamwe muri bo bagaragaje icyifuzo cyuko hatumizwa abaminisitiri banyuranye bitewe nuko ikibazo cy'imicungire y'ubutaka kireba benshi.

Visi Perezida'w'iyi Komisiyo, Mukabunani Chrisitine avuga ko nubwo habayeho icyifuzo cyo gutumira benshi, inteko rusange yafashe umwanzuro wo kuba hatumijwe Minisitiri w'ibidukikije kugira ngo atange ibisonuro.

Impuguke mu birebana n'ibidukikije, Dr. Maniragaba Abias avuga ko imbogamizi ku ishyirwa mu bikorwa by'ibishushanyombonera cyane icy'Umujyi wa Kigali ngo ni uko cyaje gisanga hatuwe mugihe ahandi imiturire iza nyuma y'igishushanyombonera.

Aba badepite bagize iyi komisiyo bakoreye ingendo mu turere 13 hirya no hino mu gihugu hagati y'italiki 10-15 Ukwakira /2021.


Bosco Kwizera




Ba uwambere gutanga igitekerezo

Tanga igitekerezo:



RSS FEED

Ababyeyi bagana ibitaro bya Gakoma bishimiye ko byatangiye kuvugururwa

Umugaba w'Ingabo za Ghana mu ruzinduko mu Rwanda

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo