Abaturage baravuga ko imvura nigwa bazahinga bakeza imyaka neza kandi ku gihe

Ikigo cy' igihugu gishinzwe ubumenyi bw' Ikirere, Meteo Rwanda kivuga ko imvura y'umuhindo iteganijwe izaba ihagije nk'isanzwe igwa mu bihe byiza. Ku ruhande rw'abaturage nabo bavuga ko imvura nigwa ku gihe kandi ikagwa ihagije bizatuma imyaka yabo yera neza

Ibijyanye nuko imvura izagwa bikubiye mu cyegeranyo cy'Iteganyagihe ry' umuhindo ni ukuvuga kuva mu kwezi kwa 9 uyu mwaka kugera mu kwezi kwa 12 uyu mwaka ikigo cy' igihugu gishinzwe iteganyagihe cyashyize ahagararara kuri uyu wa kane. Nkuko John Semafara uyobora ikigo gishinzwe iteganyagihe abivuga ngo ikirere kirerekana ko imvura izagwa ku buryo busanzwe.

Ibi ngo biraterwa ahanini nuko ubushyuhe bwo mu nyanja ngari bumaze igihe buri ku gipimo mpuzandengo cy' ubushyuhe busanzwe ni ukuvuga ubushyuhe butiyongera cg se ngo bugbanuke.

Meteo Rwanda ivuga ko muri rusange mu gihugu hose imvura y' umuhindo iteganijwe gutangira mu cyumweru cya 2 cya Nzeri ,imvura y' umuhindo iteganijwe gutangira gucika guhera mu cyumweru cya 3 cy' ukuboza kugeza mu cyumweru cya 1 cya Mutarama 2018 uhereye i Burasirazuba ugana iburengerazuba