AGEZWEHO

  • Tuzemera batunenge ko hari ibyo tutavuze aho kuvuga ibyicisha- Cléophas Barore – Soma inkuru...
  • Minisitiri w'Intebe Dr Ngirente yakiriye Minisitiri w'Ibikorwaremezo muri Koreya y'Epfo – Soma inkuru...

Amavubi yerekeje muri Madagascar mu mikino ya gicuti

Yanditswe Mar, 18 2024 08:22 AM | 62,794 Views



Umutoza w’Ikipe y’Igihugu ‘Amavubi’, Frank Spittler Torsten, yatangaje abakinnyi 26 azifashisha mu mikino ibiri ya gicuti izahuriramo na Madagascar na Botswana tariki ya 22 n’iya 25 Werurwe 2024.

Abakinnyi 38 ni bo bari bahamagawe ariko nyuma y’icyumweru bamaze mu mwiherero aho bakoreraga imyitozo i Nyamirambo no mu Bugesera, hatoranyijwemo abagomba kujyana n’ikipe.

Muri abo bakinnyi harimo abasanzwe bakina mu makipe y’imbere mu gihugu ndetse n’abo hanze y'u Rwanda.

Abakinnyi bagiriwe icyizere n’Umutoza Frank Spittler Torsten Barimo Rubanguka Steve, Tuyisenge  Arsène, Mugisha Gilbert, Iraguha Hadji, Hakizimana Muhadjiri, Gitego Arthur na Biramahire Abeddy.

Hari kandi Ntwari Fiacre, Muhawenayo Gad, Omborenga Fitina, Ishimwe Christian, Manzi Thierry, Niyigena Clement, Mitima Isaac, Nshimiyimana Yunusu na Niyonzima Olivier 'Seif'.

Muri aba bakinnyi harimo abakina mu mahanga batahagurukanye n’abandi i Kigali, aho biteganyijwe ko bazahurira n'abandi i Antananarivo, ahazabera iyo mikino yose uko ari ibiri.

U Rwanda ruzifashisha iyi mikino ya gicuti mu kwitegura iy’Umunsi wa Gatatu n’uwa Kane yo Gushaka Itike y’Igikombe cy’Isi cya 2026 aho Amavubi azasura Bénin na Lesotho muri Kamena uyu mwaka.

Mu Itsinda C, u Rwanda rurimo, ni rwo ruyoboye n'amanota ane, rukurikiwe na Afurika y’Epfo n’amanota atatu, Nigeria, Zimbabwe na Bénin zifite abiri naho Lesotho ikaza ku mwanya wa nyuma n’inota rimwe.




Ba uwambere gutanga igitekerezo

Tanga igitekerezo:



RSS FEED

Minisitiri w'Intebe Dr Ngirente yakiriye Minisitiri w'Ibikorwaremezo m

Guverineri Mugabowagahunde yasabye Abayisilamu gukomeza kwitabira ibikorwa byo #

Afurika y'Epfo: Amb. Hategeka yashyikirije Perezida Ramaphosa impapuro zimw

Kwibuka30: Dr Dumas yamuritse igitabo gishingiye ku buhamya bwanditswe n’a

Kenya: Umuryango Mpuzamahanga wasabwe kurwanya imvugo z'urwango zikomeje ku

Perezida Kagame yageze i Londres

Igisirikare cy’u Rwanda n’icy’u Bubiligi byiyemeje kunoza imik

Icyo abasesenguzi bavuga ku ruzinduko rwa Perezida Ramaphosa mu Rwanda