Dutembere Umujyi wa Rubavu ufite umwihariko wo kwizihira ba mukerarugendo

Kuba Umujyi wa Rubavu waramaze kubaka izina ry'uko muri 'Weekend' uhuriramo abantu benshi, bituma urushaho kwaguka no gutera imbere by'umwihariko mu bikorwaremezo birimo imihanda,amahoteli, n'ibindi.

Ni umujyi umaze kwigarurira imitima y'abakunda kwidagadura n’abakeneye kuruhuka, baba Abanyarwanda ndetse n’abava mu mahanga.

Rubavu ni igicumbi cy’ubukerarugendo bukorerwa ku Kiyaga cya Kivu n’ahandi hantu nyaburanga harimo umusozi wa Rubavu n'ahandi.

Uyu mujyi umaze kuzamurwamo inyubako ndende mu bice bitandukanye byawo, imihanda yari amabuye yahinduwe kaburimbo ndetse muri imwe ibinyabiziga bitandukanywa n’amagare.

Hari gare nshya yuzuye ubu inakorerwamo n’isoko riri mu nzira zo kuzura, abacuruzi baho bavuga ko rizababera isoko y’iterambere kuko barifitemo imigabane.

Yves Ihangane