Emmanuel Macron yongeye gutorerwa kuyobora u Bufaransa

Emmanuel Macron wari usanzwe ayobora u Bufaransa, yongeye gutorwa muri manda ya kabiri y'imyaka itanu atsinze uwo bari bahanganye, Marine Le Pen, ku majwi 58.2%.

Marine Le Pen we yagize amajwi 41.8%. 

Ni ku nshuro ya kabiri Macron atsinze Le Pen kuko no mu 2017, yari yamutsinze ku majwi 66.1%, mu gihe Le Pen yari yagize amajwi 33.9%.

Emmanuel Macron na Marine Le Pen bageze mu cyiciro cya nyuma cy’abahataniye nyuma yo gutsinda mu matora yabaye tariki 10 Mata 2022, aho bari imbere mu bakandida 12.

Icyo gihe Macron yagize amajwi 27.85%, naho Le Pen abona amajwi 23.15%.