Gakenke: Kubera ikibazo cy'ibiza amwe mu mashuli yarafunze

Amwe mu mashuli yo mu Karere ka Gakenke ubu yafunze  imiryango by’agateganyo, ku bw'ibibazo by'imihanda n'ibiraro byangijwe n'ibiza by'ikangu.  

Ikibazo cy'imvura nyinshi yateje ibiza by'ikangu mu karere ka Gakenke, byagize ingaruka ku nzego zitandukanye bidasize inyuma uburezi. Bimwe mu bigo by'amashuli abanza n'ayisumbuye ubu bikaba byafunze imiryango by’agateganyo.  Ibi bikaba bihangayikishije abanyeshuli.

Umuyobozi w'akarere ka Gakenke Nzamwita Deogratias, avugako mubyo barimo kwihutira gukemura, harimo n'ikibazo cy'uburezi, k'uburyo bitarenze ku wa mbere w'icyumweru gitaha, abanyeshuli bose bazaba basubiye kwiga:

Mu bantu 34 bahitanywe n'ibiza by'inkangu zatewe n'imvura yibasiye aka Karere ka Gakenke, harimo n'abanyeshuli 3 bigaga kuri iki kigo cy'amashuli cya Nganzo ya mbere.

Gusa kugeza ubu ngo nta kigo na kimwe cy'amashuli cyasenywe nizo nkangu, zatwaye ubuzima bw'abantu zikanangiza ibintu byinshi.

Inkuru irambuye mu mashusho: