Perezida Kagame yabaye ahagaritse ku mirimo Gasana na Gatabazi bari aba guverineri

Perezida wa Repubulika Paul Kagame yahagaritse ku mirimo, Gatabazi JMV na Gasana Emmanuel bari aba guverineri, kubera ibyo bagomba kubazwa bakurikiranweho.

Itangazo ryaturutse mu Biro bya Minisitiri w'Intebe ryasohotse ku mugoroba wo kuri uyu wa Mbere, riragira riti "Ashingiye ku biteganywa n'Itegeko N°14/2013 ryo ku wa 25/03/2013 rigena imitunganyirize n'imikorere by'lntara cyane cyane mu ngingo yaryo ye 9; Nyakubahwa Perezida wa Repubulika yabaye ahagaritse ku mirimo Bwana GASANA Emmanuel wari Guverineri w'Intara y'Amajyepfo na Bwana GATABAZI Jean Marie Vianney wari Guverineri w'Intara y'Amajyaruguru kubera ibyo bagomba kubazwa bakurikiranweho. 

Gasana Emmanuel yari agiye kumara imyaka 2 ayobora Intara y'Amajyepfo, aho yatangiye kuyiyobora tariki 18 Ukwakira 2018, avuye ku mwanya wa Komiseri wa Polisi y'Igihugu.

Ni mu gihe Gatabazi Jean Marie Vianney we yari amaze imyaka itatu ayobora Intara y'Amajyaruguru, aho yashinzwe kuyiyobora tariki  31 Kanama 2017.

Ingingo ya 9 y'Itegeko N°14/2013 ryo ku wa 25/03/2013 rigena imitunganyirize n'imikorere by'lntara ivuga ko Guverineri w’Intara ashyirwa mu mirimo n’Iteka rya Perezida byemejwe n’Umutwe wa Sena. Guverineri w’Intara avanwa ku mirimo ye n’Iteka rya Perezida.

Jean-Claude NDAYISHIMYE