Yanditswe Apr, 25 2021 16:58 PM | 54,225 Views
Guverineri
w’Intara y’Iburengerazuba, Habitegeko François yasabye ba
rwiyemezamirimo kurangiza imirimo yo kubaka ibikorwaremezo by'iterambere ku
gihe cyagenwe, kugirango bifashe uturere kwesa imihigo y'uyu mwaka wa
2020-2021, abatabikoze bagacibwa amande.
Ibi yabitangarije mu karere ka Rubavu aho yasuye ahari kubakwa ibikorwa bitandukanye by'iterambere.
Uretse ingaruka zatewe n'icyorezo cya Covid-19 zatumye muri rusange habaho idindira ry'imishinga migari y'ibikorwaremezo biri kubakwa mu karere ka Rubavu, imiterere y’ubutaka bw’amakoro nayo ngo iri mu byatumye imirimo itihutishwa.
Ku ruganda rw’amazi rwa Gihira, ababishinzwe bagaragaza ko bacukuye umuyoboro w’amazi hasi basangamo urutare ndetse no ku Mudugudu w’icyitegererezo wa Muhira, imirimo yawo yarahagaze bitewe n’uko abawubakaga ngo hasi mu butaka basanzemo ubuvumo, bisaba ko inyigo yawo isubirwamo kugirango uzubakwe neza.
Ku rundi ruhande ariko bamwe muri ba rwiyemezamirimo bagaragaza ko kudindira kw'imirimo, biterwa n'ubushobozi buke bw’isoko baba batsindiye bigatuma bakoresha abakozi bake, ndetse n'ikibazo cyo gutinda kubonera amafaranga ku gihe ngo bakomeze ibikorwa.
Indi mishinga migari y'ibikorwaremezo biri kubakwa mu karere ka Rubavu, irimo uruganda rwitezeho gutanga umuriro w’amashanyarazi avuye muri Gaz methane icukurwa mu kiyaga cya Kivu, imihanda ya Kaburimbo iri kubakwa mu Mujyi wa Gisenyi, ndetse n'inkuta zitangira Umugezi wa Sebeya kugirango amazi atangiriza abawuturiye.
Hamwe usanga igihe imirimo yagombaga kurangirira kitarubahirijwe, ahandi ukurikije n’igihe gisigaye ugasanga ari gito ugereranyije n'ibikenewe gukorwa ngo imirimo irangire.
Guverineri Habitegeko Francois yagaragaje ko hari na bamwe muri ba rwiyemezamirimo batihutisha uko bikwiye imirimo, bikaba bishobora kudindiza imihigo y'uyu mwaka.
Yavuze ko “Zimwe mu ngamba kuri iki kibazo cy'abatubahiriza ibikubiye mu masezerano, harimo no gucibwa amande nk'uko amategeko abiteganya.”
Ubuyobozi bw’aka karere buvuga ko bugeze ku gipimo cya 50%, bushyira mu bikorwa imihigo bwihaye 96 y'uyu mwaka wa 2020-2021.
Fredy Ruterana
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru