Yanditswe Jul, 02 2022 18:59 PM | 135,565 Views
Guverineri w'Intara y'Amajyaruguru, Nyirarugero Dancille yifatanyije n'abarokotse Jenoside yakorewe Abatutsi mu karere ka Rulindo, mu kwibuka imiryango yazimye no gusoza iminsi 100 y'icyunamo, ashima Inkotanyi zabohoye Igihugu aboneraho gusaba abakigaragaraho ingengabitekerezo ya Jenoside kuyirinda no kuyirwanya.
Kuri uyu wa Gatandatu nibwo mu karere ka Rulindo hibutswe imiryango 260 yazimye, abarokotse Jenoside yakorewe Abatutsi muri ako Karere bakaba bashimira Ingabo zahoze Ari iza RPA zabohoye Igihugu bagahagarika Jenoside bakaba bamaze kwiyubaka mu myaka 28.
Abarokokeye Jenoside yakorewe Abatutsi Ku Musozi uzwi nka Remera y'Abaforongo mu Murenge wa Cyinzuzi ahaguye Abatutsi beshi, bavuga ko myaka 28 ishize Ingabo zahoze Ari iza RPA zihagaritse Jenoside yakorewe Abatutsi biyubatse bageze Heza.
Mu Gusoza iminsi 100 yo kwibuka Ku nshuro ya 28 Jenoside yakorewe Abatutsi, hibutswe imiryango yazimye mu karere ka Rulindo, ahashyizwe indabo Ku nzibutso zishyinguyemo imibiri y'abazize Jenoside yakorewe Abatutsi.
ubuyobozi bwa Ibuka ku rwego rw'Igihugu bwavuze ko kwibuka imiryango yazimye ari ngombwa.
Ku rwego rw'Igihugu, Umuryango uharanira inyungu z’Abacitse ku icumu rya Jenoside yakorewe Abatutsi bagaragaza ko imiryango yazimye yazize Jenoside yakorewe Abatutsi irenga ibihumbi 15.
Guverineri Nyirarugero Dancille wifatanyije n'abarokotse Jenoside yakorewe mu kwibuka imiryango yazimye, yashimiye Inkotanyi zabohoye Igihugu aboneraho gusaba abakigaragaraho ingengabitekerezo ya Jenoside kuyirinda no kuyirwanya.
Mu kwibuka imiryango yazimye 260 yazize Jenoside yakorewe Abatutsi, hagaragajwe ko muri Rulindo hari Inzibutso 9 zishyinguyemo imibiri ibihumbi 19. Ubuyobozi bw'Akarere ka Rulindo bwemeza ko izo nzibutso zizahurizwa hamwe mu nzibutso 2 Mu rwego rwo kubungabunga imibiri y'abazize Jenoside yakorewe Abatutsi.
Robert Byiringiro
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru