Yanditswe Sep, 21 2019 19:55 PM | 12,610 Views
Abayobozi mu nzego zinyuranye bemeza ko
amahoro u Rwanda rufite ubu, ashingiye ku mahitamo rwakoze yo kwishakamo
ibisubizo, ariko by'umwihariko gahashyirwa imbere ubumwe bw'Abanyarwanda. Ibi
babigarutseho mu nama nyunguranabitekerezo yateguwe n'ishuri ry'igihugu
ry'amahoro, Rwanda Peace Academy.
Iyi nama yari igamije gusuzuma aho u Rwanda rugeze mu kubaka amahoro n’iterambere mu myaka 25 ishize, Minisitiri w'Ubutabera akaba n'Intumwa Nkuru ya Leta, Johnston Busingye, avuga ko mu rwego rw'ubutabera havuguruwe imikorere y'inkiko, ariko n'amategeko akavugururwa, harimo n'itegeko nshinga ryateguwe n'Abanyarwanda kandi rikanemezwa na bo ubwabo, hagashyirwaho uburyo bwo kwishakamo ibisubizo, aho yatanze urugero rw'inkiko Gacaca zaburanishije abagize uruhare muri jenoside yakorewe abatutsi.
Minisitiri w'Ubutabera avuga ko igihe cyose, Abanyarwanda bigisha ubworoherane no guharanira ubumwe.
Yagize ati ''Icyo dukora mu nzego zose, zaba iza Leta n'iz'abikorera, buri gihe dushimangira ubumwe bwacu, dushimangira imiterere inyuranye yacu, dushimangira ukudatezuka kwacu kwatugejeje aha turi. Tukamenya neza ko ubworoherane bwabaye umuco, ko bwabaye kamere, ko ari kimwe mu bintu by'umwihariko bituranga nk'Abanyarwanda.''
Umukuru w'Urwego rw'Imiyoborere RGB, Usta Kayitesi avuga ko ikindi cyatumye u Rwanda rugera ku mahoro, ariko uko babanje guharanira umutekano w'igihugu, ubundi bakareba n'ibyigeze kubatanya kugira ngo bitazongera.
Ati ''Iyo nzira igihugu cyahisemo, ya buri gihe kuganira no gushaka umuti w'ibibazo byacu, yabaye inzira ikomeye cyane, ituma koko tumenya ko ikibazo turimo gusubiza ari cyo kibazo cy'ingutu turimo. Umuntu rero yavuga ko amahitamo y'ubuyobozi twagize nk'igihugu, yabaye amahitamo ndangagaciro gakomeye, kuko ubuyobozi bwahisemo kudushakira ubumwe. Bituma n'Abanyarwanda bamenya ibyiza by'ubumwe baranabuharanira."
Abari bitabiriye iyi bama, biganjemo abayobozi mu nzego z’umutekano mu bihugu bitandukanye by’Afurika, bemeza ko inzira yo kwishakamo ibisubizo ariyo yonyine ishobora gutanga umuti wihuse w’ibibabo by’umutekano.
Gen Maj Ferdinad Safari, Umuyobozi Mukuru ushinzwe politiki n’ingamba muri Minisiteri y’Ingabo avuga ko ibi biganiro byongeye gutanga umusanzu muri iki cyerekezo kigamije kurushaho kubaka amahoro arambye.
Yagize ati "Nizeye ko iyi nama yababereye umwanya wo gusangira amakuru, ibitekerezo, ubunararibonye n'amasomo mwize. Nzi ko byatanze umusaruro ukomeye, kandi mwkauyemo inyingisho nziza."
Iyi nama yo ku rwego rwa Afurika, yitabiriwe na bamwe mu bayobozi b'ibigo bishinzwe kubungabunga amahoro mu bihugu 9 bya Afurika bisanzwe bifite ibigo bibungabunga amahoro, abashakashatsi n'impuguke zo muri urwo rwego.
Jeannette UWABABYEYI
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru