Iki ni igihe u Rwanda na Jamaica bigomba gushimangira umubano kurusha ikindi gihe- Perezida Kagame

Perezida Paul Kagame yavuze ko iki ari cyo gihe u Rwanda na Jamaica bigomba gushimangira umubano kurusha ikindi gihe.

Asoza uruzinduko rw’iminsi 3 yagiriraga muri Jamaica, umukuru w’igihugu washimiye abayobozi n’abaturage b’iki gihugu urugwiro rwo ku rwego rwo hejuru bamugaragarije we n’intumwa ayoboye, avuga ko ibihugu byombi byiyemeje guteza imbere ubutwererana mu nzego zifitiye inyungu ku baturage b’ibihugu byombi.

Minisitiri w’Intebe wa JamaicA, Andree Holnes nawe yakomoje ku biganiro yagiranye na Perezida w’u Rwanda Paul Kagame, avuga ko ibi bigiye kurushaho gutuma ibihugu byombi bikorera ahamwe mu nyungu z’ababituye.

Kuri uyu wa Gatanu kandi Perezida Kagame yagiranye ibiganiro byihariye na Minisitiri w’Intebe wa Jamaica, Andrew Holness banayobora isinywa ry’amasezerano y’ibihugu byombi mu nzego zirimo guteza imbere ubukerarugendo n’izindi.