Kwibuka28: Meya Rubingisa yagaragaje ko ubu Abanyarwanda bafite ubuyobozi bushyize imbere ubumwe n'ubwiyunge

AGEZWEHO

  • Ababyeyi bagana ibitaro bya Gakoma bishimiye ko byatangiye kuvugururwa – Soma inkuru...
  • Kwibohora28: Intambwe yatewe mu buhinzi mu myaka 28 – Soma inkuru...

Kwibuka28: Meya Rubingisa yagaragaje ko ubu Abanyarwanda bafite ubuyobozi bushyize imbere ubumwe n'ubwiyunge

Yanditswe Apr, 22 2022 19:47 PM | 81,761 Views



Bamwe mubarokotse Jenoside yakorewe Abatutsi mu Murenge wa Muhima Mu mujyi wa Kigali, barashima ko nubwo ubuyobozi bw'Umujyi wa Kigali mu gihe cya Jenoside bwahisemo kwica Abatutsi, ubu bafite ubuyobozi bwita ku banyarwanda butarobanura. 

Nk'ahandi henshi mu gihugu, Abatutsi b'icyahoze ari komini Rugenge no mu nkengero zayo bahungiye mu kiliziya yitiriwe umuryango mutagatifu Saint Famille, gusa benshi barahaguye ariko abaharokokeye bifashishije amazina, bavuga ko bamwe mu bayoboraga Umujyi wa Kigali bagize uruhare rutazuguye mu iyicwa ryababo bahaguye.

Mukabyagaju Marie Grace waharokokeye yagize ati "Guhera kuri konseye Nyirabagenzi Odette ukagera kuri Angelina Mukandutiye wari ushinzwe amashuri, ukagera kur Renzaho wari Perefe w’Umujyi na Colonel Munyakazi abo bose nibo badutanze, nibo boherezaga Interahamwe ziza kudutera buri munsi ndetse bakaba bazi ngo kanaka ari hano mugende mu muzane mu mwice."

Bitega Joseph we yagize ati "Nk'urwandiko Perefe Renzaho yahaye Interahamwe zikaza gutwara abantu, rwatumye Interahamwe zisanzura zikajya ziza gufata abantu zishaka bakabica kandi bakaza igihe bashakiye."

Umuyobozi w'Umujyi wa Kigali, Pudence Rubingisa yashimangiye ko ubu Abanyarwanda bafite ubuyobozi bwiza kandi bushyize imbere ubumwe n'ubwiyunge, ariko muri urwo rugendo ari ngombwa ko abiciwe babona ababo bakabashyingura mu cyubahiro kuko na n'ubu muri uyu mujyi hakigaragara imibiri henshi mu hagiye gushyirwa ibikorwaremezo kandi hari abagatanze amakuru mbere."

Yagize ati "Haracyarimo kwikinga kugira ngo abafite amakuru bakore ibishoboka byose bayatange rwose, aya mazina dufite hano ntageze ku gihumbi iyo duhuje n'imibare y'Abatutsi bashobora kuba bariciwe mu cyari Muhima na Rugenge bageze hafi ku bihumbi 45, bigaragara ko tugifite gushakisha imibiri myinshi."

Abatutsi biciwe Saint Famille benshi bari baturutse mu byahoze byitwa Segiteri Rugenge, Muhima ndetse na Gikondo n'ahandi, amazina agaruka cyane y'abari abayobozi mu Mujyi wa Kigali mu gihe cya Jenoside yakorewe Abatutsi bagize uruhare mu iyicwa ry'abari bahahungiye, harimo Col. Renzaho Tharcisse wayobora Umujyi wa Kigali, Col. Munyakazi, uwari Konseye Nyirabagenzi Odette, Angelina Mukandutiye n’abandi.  


Fiston Felix Habineza




Ba uwambere gutanga igitekerezo

Tanga igitekerezo:



RSS FEED

Ababyeyi bagana ibitaro bya Gakoma bishimiye ko byatangiye kuvugururwa

Umugaba w'Ingabo za Ghana mu ruzinduko mu Rwanda

Umuryango AVEGA-Agahozo uvuga ko mu minsi 100 yo kwibuka Jenoside intego bari bi

Imiryango 30 yo muri Muhanga yakemuriwe ikibazo cy’icumbi mu 2021-2022

Abavuga ko Gaz ihenze kurusha amakara babiterwa no kudasobanukirwa- Dr Mujawamar

Abanyarwanda baba muri Mozambique bakoze umuganda rusange mu kwizihiza umunsi wo