AGEZWEHO

  • Abadepite batangiye gusuzuma umushinga w'itegeko witezweho kongerera ububasha Polisi – Soma inkuru...
  • Ku munsi mpuzamahanga wa mwalimu mu Rwanda abarimu bishimiye ko leta yita ku mibereho yabo – Soma inkuru...

Kamonyi: Hashyinguwe mu cyubahiro imibiri 63 y'abazize Jenoside

Yanditswe May, 18 2019 15:12 PM | 6,418 Views



Mu karere ka Kamonyi hashyinguwe imibiri 63 yabonetse mu mirenge 10  muri 12 igize Akarere ka Kamonyi; kuri uyu wa Gatandatu tariki 18 Gicurasi 2019.

Ni mu gikorwa cyo kwibuka ku nshuro ya 25 Jenoside yakorewe Abatutsi cyabereye ku rwibutso rwa Jenoside yakorewe Abatutsi rwa Kamonyi ahashyinguwe imibiri y'abatutsi isaga ibihumbi 47.

Mu buhamya bwatanzwe n'abarokotse Jenoside yakorewe abatutsi bagaragaje ko iyahoze ari Komine Taba yayoborwaga na Burugumestri Akayesu Jean Paul; habere ubwicanyi bukabije kuko yashishikarizaga interahamwe kwica Abatutsi bakajugunywa mu bice bitandukanye by'aka Karere ka Kamonyi.


Mu myaka 25 bamwe mu bagize uruhare muri Jenoside yakorewe abatutsi bakaba barinangiye no gutanga amakuru y'ahajugunywe imibiri y'abatutsi bishwe; dore ko ngo  iboneka biba byatewe n'ibikorwaremezo biri kubakwa mu karere ka Kamonyi nk'imihanda n'ubwubatsi.

Abarokotse bavuze ko kuba hashize imyaka 25 Jenoside yakorewe abatutsi; hakaba hakigaragara ibibazo by'imanza za Gacaca zigendanye  n'imitungo yangijwe n'iyasahuwe bakaba  batarishyurwa bidindiza gahunda y'ubumwe n'ubwiyunge yatangijwe na leta y'ubumwe.

Aba barokotse basaba ko abarebwa n'iki kibazo bashyira  imbaraga yo gukemura.

Umuyobozi w'Akarere ka Kamonyi Kayitesi Alice yavuze ko bafite imanza za Gacaca zaciwe zisaga 400 zigendanye n'imitungo yangijwe mu gihe cya jenoside yakorewe abatutsi; ariko zimwe ngo ziragoranye kuzirangiza ngo bishyure; kubera ko abagombaga kwishyura bamwe bapfuye; abandi nta bushobozi bafite bwo kwishyura ndetse n'abataramenyekana aho baherereye.


Gusa kuri bamwe mu barokotse Jenoside yakorewe abatutsi n'abayigizemo uruhare bateye intambwe yo gusaba no gutanga imbabazi kuri bamwe mu babangirije imitungo ku buryo basanga ari byo  gushimangira inzira y'ubumwe n'ubwiyunge.




Ba uwambere gutanga igitekerezo

Tanga igitekerezo:



RSS FEED

Mu kwezi kwa 11 umuhanda Gihara-Nkoto uzatangira gushyirwamo kaburimbo

Ijambo rya Perezida Kagame mu Muhango wo Kwibuka ku Nshuro ya 28 Jenoside Yakore

Abantu 66 batawe muri yombi mu Cyumweru cyo kwibuka bakurikiranweho ingengabitek

Perezida Kagame yashyikirijwe Raporo Duclert ivuga ku ruhare rw'u Bufaransa

Ngoma: Imibiri y’abatutsi hafi 800 imaze kuboneka i Rukumberi

U Buholandi bwataye muri yombi Ndereyehe wakoze jenoside yakorewe Abatutsi