NEC ivuga inzego z'ibanze zituzuye bityo amatora yo kuzuza imyanya akenewe

Kuva ku itariki ya 10 z'uku kwezi komisiyo y'igihugu y'amatora yatangiye imyiteguro y'amatora yo kuzuza imyanya y'ubuyobozi mu nzego z'ibanze. Perezida wa Komisiyo y'igihugu y'amatora Prof. Kalisa Mbanda atangaza ko imyiteguro ijyana no gukangurira abaturage ibijyana n'aya matora yatangiye kandi n'abazakurikirana ayo matora bamaze kwitegura.

Abasaba serivisi mu buyobozi bw'inzego z'ibanze bavuga ko iyo izo nzego zituzuye, akenshi bituma servisi bifuza batazibona uko bikwiye, bakaba basanga ari ngombwa ko abatakiri mu myanya basimbuzwa.

Komisiyo y'igihugu y'amatora yatangiye gutegura gahunda yo kuzuza imyanya itarimo abayobozi  mu nzego z'ibanze binyuze mu matora amwe aziguye andi ataziguye. Mu myanya 15.104 itegenywa, hazatorwa abagize komite z'imidugugu, inama njyanama z'utugari, iz'imirenge n'uturere na komite nyobozi y'akarere. Hanatorwe Abagize inama y'igihugu y'abagore, iy'urubyiruko, iy'abafite ubumuga n'iy'abikorera. 

Inkuru irambuye mu mashusho: