Yanditswe Jul, 14 2016 10:11 AM | 2,552 Views
Minisitiri w'ububanyi n'amahanga Louise Mushikiwabo mu gitondo cyo kuri uyu wa kane,yatangaje ko nta muntu ushobora guta muri yombi perezida wa Sudan Omar El Bashir mu gihe cyose azaba ari i Kigali mu nama y'abakuru b'ibihugu na guverinoma b'umuryango w'Afrika yunze ubumwe. Ibi ngo ni ukuberako azaba ari umushyitsi w'u Rwanda kandi rutaranashyize umukono ku masezerano ashyiraho urukiko mpuzamahanga mpanabyaha rusaba ko yatabwa muri yombi.
Hari mu kiganiro minisitiri w'ububanyi n'amahanga yagiranye n'abanyamakuru bakurikirana inama za AU zibera i Kigali. Aha yari abajijwe ukuntu uyu muyobozi wa Sudani ushinjwa jenoside akaba aje mu gihugu cyabayemo jenoside atatabwa muri yombi, nk'uko byasabwe n'uru rukiko rw'i La Haye mu Buholandi.
Minisitiri Mushikiwabo avuga ko uru rukiko rutigeze rubura amikoro n'ubushobozi byo kuba rwata muri yombi uyu muyobozi, ku buryo byasaba ko ategerwa i Kigali. Ikindi cyemeza ko itabwa muri yombi rya Bashir i Kigali ridashoboka ni uko u Rwanda ngo ntaho ruhuriye n'uru rukiko kuko rutari mu bihugu 34 bya Afurika byashyize umukono ku masezerano arushyiraho.
Minisitiri Louise Mushikiwabo kandi avuga ko hari amahame umuryango wa AU ugenderaho y'uko nta muyobozi uri ku butegetsi muri Afrika watabwa muri yombi kuko aba afite ubudahangarwa. Hari hashize iminsi 2 ICC isabye u Rda kuzata muri yombi president Omar Al Bashir ariko ngo ntirwabihaye agaciro.
Muri iki kiganiro kandi minisitiri w'ububanyi n'amahanga Louise Mushikiwabo yanavuze ku rwandiko rw'inzira ruzatangizwa muri iyi nama y'abakuru b'ibihugu izaba mu mpera z'iki cyumweru. Yatangaje ko atari passeport y'abakuru b'ibihugu gusa cyangwa abadiplomates n'abaminisitiri b'ububanyi n'amahanga. Ahubwo ngo ni urwandiko ruzafasha abanyafurika kwisanzura mu bihugu bigize uyu mugabane. Nyuma y'uyu muhango buri gihugu kizacapa passeport nyafurka kigendeye ku mategeko yacyo agenga abinjira n'abasohoka, u Rwanda rwo ngo rukaba rwiteguye, kuko rufite passeport zisa n'iyo izajya ikoreshwa ku mugabane wose.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru