PEREZIDA KAGAME ASANGA GUSEBYA UMUKURU W’IGIHUGU BITAGIRWA ICYAHA MPANABYAHA

AGEZWEHO


PEREZIDA KAGAME ASANGA GUSEBYA UMUKURU W’IGIHUGU BITAGIRWA ICYAHA MPANABYAHA

Yanditswe April, 26 2019 at 07:05 AM | 3649 Views



Perezida wa Repubulika, mu itangazo ryavuye mu biro bya Perezida wa Repubulika ku mwanzuro w'Urukiko rw’Ikirenga, yagaragaje ko abona gutuka cyangwa gusebya umukuru w’Igihugu abona byaba imbonezamubano aho kuba icyaha mpanabyaha.

Iri tangazo ryakorewe i Kigali ritangazwa kuri uyu wa 25 Mata 2019.

Perezida wa Repubulika yagaragaje ko yubaha umwanzuro uherutse gufatwa n’Urukiko rw’Ikirenga ariko ko atemeranya no kugumisha mu mategeko mpanabyaha ingingo y’itegeko irebana no gutuka cyangwa gusebya Umukuru w’Igihugu, kandi nawe ari umuyobozi w’Igihugu.

Aha yavuze ko yemera ko ‘gutuka cyangwa gusebya Umukuru w’Igihugu’ ari imbonezamubano aho kuba mpanabyaha.

Perezida wa Repubulika yagaragaje ko yubaha ubwigenge bw’ubucamanza; gusa ko yizeye ko iki kibazo kizakomeza kuganirwaho.


ITANGAZO MU BURYO BURAMBUYE:

Itangazo ku mwanzuro w'Urukiko rw’Ikirenga 

Kigali, 25 Mata 2019 

Nyakubahwa Perezida wa Repubulika yubaha ubwigenge bw’ubucamanza. Yubaha umwanzuro uherutse gufatwa n’Urukiko rw’Ikirenga ukura mu mategeko mpanabyaha ibyari ibyaha byo gukoza isoni abayobozi b’Igihugu n’abashinzwe umurimo rusange w’Igihugu. 

Perezida ariko ntiyemenyeranya no kugumisha mu mategeko mpanabyaha ingingo y’itegeko irebana no gutuka cyangwa gusebya Umukuru w’Igihugu, kandi nawe ari umuyobozi w’Igihugu. Yemera ko ari imbonezamubano aho kuba icyaha mpanabyaha, kandi yizeye ko iki kibazo kizakomeza kuganirwaho.



Ba wambere gutanga igitekerezo

Tanga igitekerezo:



RSS FEED

Abacunga umutekano bazwi nk’abasekirite baravuga ko babayeho nabi