PM Dr. Ngirente yitabiriye inama ku ngamba zo guca inzara n’imirire mibi ku isi

PM Dr. Ngirente yitabiriye inama ku ngamba zo guca inzara n’imirire mibi ku isi

Yanditswe November, 28 2018 at 22:44 PM | 10928 Views



Ministiri w’intebe w’u Rwanda Dr. Edouard Ngirente uri i Bangkok muri Thailande aho yitabiriye inama mpuzamahanga ku kwihutisha ingamba zo guca burundu inzara n’imirire mibi ku isi, yavuze ko iyi nama ari umwanya ukomeye wo kungurana ibitekerezo ku cyakorwa ngo iyo ntego igerweho muri rusange.

Yasangije abayiteraniyemo intambwe yatewe n’u Rwanda n’intego rufite mu guhangana n’inzara n’imirire mibi bitarenze umwaka wa 2025.

Ministiri w’intebe  Dr. Ngirente yanakurikiranye kandi umuhango wo gusinya amasezerano hagati y’u Rwanda n’ikigo cy’ubushakashatsi mu birebana na politiki z’ibiribwa ku rwego mpuzamahanga, aho ku ruhande rwa Guverinoma y’u Rwanda hari ministiri w’u buhinzi n’ubworozi  Dr. Gérardine Mukeshimana naho ku ruhande rw’icyo kigo hari umuyobozi mukuru wacyo Dr.Shenggen Fan, wanaje kugirana ibiganiro na Ministri w’intebe Dr Ngirente aho i Bangkok.

Tugarutse kuri iyi nama yatangiye kuri uyu wa gatatu,  ihurije hamwe abayobozi, impuguke, abashakashatsi n’abandi bafatanyabikorwa ku ngingo irebana no guca inzara n'imirire mibi, baturutse hirya no hino ku isi, baganira ku cyakorwa mu kwihutisha ingamba zo gukora ubuhinzi busubiza ikibazo cy’ibura ry’ibiribwa, guca inzara n’imirire mibi.

Bisobanurwa ko kongera imbaraga mu kwihaza mu biribwa no kugira indyo iboneye ni ingenzi mu kugera ku ntego z’iterambere rirambye umuryango w’abibumbye wihaye, aho intego ya kabiri muri 17 zigize iyi gahunda igaruka ku  Kurandura burundu inzara, kugera ku kwihaza mu biribwa, kugira imirire iboneye kandi ihagije no guteza imbere ubuhinzi burambye. 



Ba wambere gutanga igitekerezo

Tanga igitekerezo:



RSS FEED

PM Dr. Ngirente yagejeje ku nteko gahunda ya leta yo gukora no kwita ku mihanda

PM Dr. Ngirente avuga ko kuboneza urubyaro ari inshingano zigamije iterambere

PM Dr. Ngirente yitabiriye ihuriro nyafurika ku ishoramali muri Afurika y'E

PM Dr.Ngirente yarahije abashinjacyaha baherutse kwemezwa n'inama y'ab

PM Dr. Ngirente aravuga ko leta yiyemeje kugeza amazi meza ku baturage

PM Dr. Ngirente arasaba ababyeyi kugira uruhare mu kurinda igwingira ry'aba