Rubavu: Amazu 26 niyo yasenywe n’umwuzure waturutse mu mugezi wa Sebeya

Amazu 26 yo mu mirenge ya Nyundo, Rugerero na Kanama mu karere ka Rubavu niyo yasenywe n’ibiza by’amazi y’imvura yaguye ku mugoroba wo ku munsi w‘ejo kuwa gatandatu yuzuza umugezi wa Sebeya utembera mu mazu y’abaturage, andi mazu arenga 900 akaba yasigaye mu manegeka kuko amwe muriyo nayo abura gato ngo asenyuke.

Ubu abaturage bamwe bahuye n’ibi biza bacumbikiwe n’abaturanyi babo, Icyakora guverineri w’intara y’iburengerazuba Munyantwari Alfonse yavuzeko kuwa mbere aribwo bari butangire guha ubufasha bw’ibanze aba baturage bagizweho ingaruka mbi nibi biza.

Umugezi wa Sebeya wasize usenye inzu 26, izindi nzu 920 zisigara ku manegeka kuko amazi yayangije ku buryo bukomeye nayo akaba yenda gusenyuka, ndetse  isenya n’ubwiherero 356, yangiza na bimwe mu bikoresho byo mu kigo cy’amashuri cy’igisha ubugeni cya Ecole d’Art de Nyundo.