EMIR WA QATAR NA PEREZIDA KAGAME BASUYE PARIKE Y'AKAGERA

EMIR WA QATAR NA PEREZIDA KAGAME BASUYE PARIKE Y'AKAGERA

Yanditswe April, 23 2019 at 09:36 AM | 2565 Views



Umukuru w’igihugu cya Qatar Sheikh Tamim Bin Hamad Al Thani ari kumwe na Perezida wa Repubulika Paul Kagame basuye parike y’igihugu  y’akagera iri mu burasirazuba bw’u Rwanda, ku munsi wa kabiri w’uruzinduko rwe mu Rwanda, kuri uyu wa Mbere tariki 23 Mata 2019.

Aha muri Parike y’akagera nubwo harimo kugwa imvura nyinshi ntibabujije aba bakuru b’ibihugu bombi kwirebera ibyiza nyaburanga bigize iyi parike birimo inyamaswa zitandukanye.


Uyu muyobozi mukuru wa Qatar yashimiye Perezida wa Republika Paul Kagame uburyo yamwakiriye mu Rwanda kandi yizeza ko uruzinduko rwe mu Rwanda ruzagira inyungu ku mpande zombi.

Abinyujije kuri twitter ye Sheikh Tamim bin Hamad Al Thani yanditse ko yizeye adashidikanya ko amasezerano y’ubufatanye n’ay’ubucuruzi yasinywe n’impande zombi azatanga umusaruro, yavuze ko ibiganiro yagiranye na Perezida wa Republika Paul Kagame biri muri gahunda yo gukomeza ubushuti n’umubano hagati y’u Rwanda na Qatar.


Sheikh Tamim bin Hamad Al Thani ari mu ruzinduko rw’akazi mu Rwanda kuva ku mugoroba wo kuri iki Cyumweru aho yageze ku kibuga mpuzamahanga cy'indege cya Kigali akakirwa na Perezida wa Repubulika Paul Kagame.

Uyu muyobozi mukuru wa Qatar yashoje uruzinduko rwe mu Rwanda kuri uyu wa kabiri.




Ba wambere gutanga igitekerezo

Tanga igitekerezo:



RSS FEED

EMIR WA QATAR YASHOJE URUZINDUKO YAGIRIRAGA MU RWANDA