Umujyi wa Kigali wasinyanye amasezerane y’ubufatanye n’ikigo mpuzamahanga giharanira kurengera ibidukikije

Kuri iki cyumweru, Umujyi wa Kigali wasinyanye amasezerane y’ubufatanye  n’ikigo mpuzamahanga giharanira kurengera ibidukikije (GGGI), agamije gufatanya mu kurengera ibidukikije mu mujyi wa Kigali.

Umuyobozi w’Umujyi wa Kigali, Pudance Rubingisa avuga ko aya masezerano ari itangiriro ry’urugendo bazakorana n'iki kigo mpuzamahanga mu kurushaho kugira Kigali umujyi utabangamira ibidukikije.

Aya masezerano akaba yanahujwe no kwizihiza umunsi mpuzamahanga w’imijyi wijihijwe kuri iki cyumweru.

Umuyobozi w’Umujyi wa Kigali yavuze ko kwizihiza uyu munsi byahujwe no kongera ibikorwa byo kubungabunga ibidukikijem hagamijwe kurushaho kugira Kigali umujyi ubereye guturwamo kandi ukurura ba mukerarugendo, akaba yasabye abatuye uyu mujyi kurushaho kugira uruhare mu kubungabunga ibidukikije kuko aribyo bizabafasha kubarinda ingaruka z'ihinduka ry’ikirere.