AGEZWEHO

  • Tuzemera batunenge ko hari ibyo tutavuze aho kuvuga ibyicisha- Cléophas Barore – Soma inkuru...
  • Minisitiri w'Intebe Dr Ngirente yakiriye Minisitiri w'Ibikorwaremezo muri Koreya y'Epfo – Soma inkuru...

Umujyi wa Musanze n’uwa Jinhua wo mu Bushinwa byinjiye mu bufatanye

Yanditswe Mar, 28 2024 22:48 PM | 169,504 Views



U Rwanda n’u Bushinwa byasinyanye amasezerano y’ubufatanye hagati y’Umujyi wa Jinhua n’uwa Musanze agamije guteza imbere uburezi, umuco, ubuhinzi n'ibikorwaremezo.

Muri aya masezerano, ku ikubitiro abanyeshuri 30 biga muri IPRC Musanze bahise bahabwa buruse yo kujya kwiga mu Bushinwa.

Aba banyeshuri ni abiga mu mashami y'ubucuruzi bukorerwa kuri mudasobwa n'abiga gukoresha imashini zo mu nganda. Bavuze ko amahirwe bahawe yo gukomereza amasomo mu Bushinwa batazayapfusha ubusa.

Izo buruse zikubiye mu masezerano y’ubufatanye y’imyaka itanu yasinywe hagati y’Ikigo gishinzwe Amashuri Makuru y'Imyuga n'Ubumenyingiro cyo mu Mujyi wa Jinhua mu Bushinwa na Rwanda Polytechnic.

IPRC Musanze ni yo ifite amashami abiri ya E - Commerce na Industrial Automation aterwa inkunga n'u Bushinwa.

Umunyamabanga wa Leta muri Minisiteri y'Uburezi, Irere Claudette, yasabye abanyeshuri biga muri ayo mashami kwiga neza bakazahaha ubumenyi buzabafasha guhanga udushya ku isoko ry'umurimo.

Uretse uburezi, Umujyi wa Musanze n’uwa Jinhua na byo byasinyanye amasezerano agamije guteza imbere uburezi, umuco n'inganda.

Umuyobozi w'Akarere ka Musanze, Nsengimana Claudien, yavuze ko hari byinshi bazungukira muri iyi mikoranire.

Ambasaderi w'u Bushinwa mu Rwanda, Wang Xuekun, yashimangiye ko umubano mwiza ibihugu byombi bifitanye utanga icyizere ko mu gihe kiri imbere ubufatanye buzarushaho kwaguka.

Leta y’u Bushinwa isanzwe itera inkunga IPRC Musanze binyuze mu nkunga yo kubaka inyubako z’iri shuri n'ibikoresho bigezweho rifite.

Ally Muhirwa



Ba uwambere gutanga igitekerezo

Tanga igitekerezo:



RSS FEED

Minisitiri w'Intebe Dr Ngirente yakiriye Minisitiri w'Ibikorwaremezo m

Guverineri Mugabowagahunde yasabye Abayisilamu gukomeza kwitabira ibikorwa byo #

Afurika y'Epfo: Amb. Hategeka yashyikirije Perezida Ramaphosa impapuro zimw

Kwibuka30: Dr Dumas yamuritse igitabo gishingiye ku buhamya bwanditswe n’a

Kenya: Umuryango Mpuzamahanga wasabwe kurwanya imvugo z'urwango zikomeje ku

Perezida Kagame yageze i Londres

Igisirikare cy’u Rwanda n’icy’u Bubiligi byiyemeje kunoza imik

Icyo abasesenguzi bavuga ku ruzinduko rwa Perezida Ramaphosa mu Rwanda