Umutoza wa Musanze FC yirukaniwe mu mukino yatsinzwemo na Gasogi

Kuri iki  Cyumweru shampiyona y'umupira w'amaguru mu Rwanda icyiciro cya mbere  yakinwaga ku munsi wayo wa mbere, mu makipe ahatanira igikombe kimwe no mu makipe ahatanira kutamanuka mu cyiciro cya kabiri anarwanira imyanya kuva ku wa 9, Seninga Innocent wa Musanze FC birangira yirukanwe.

Seninga yirukaniwe ku ku kibuga ku munota wa 70, FC Musanze imaze gutsindwa 4-1 na Gasogi, nk'uko Perezida wa Musanze Fc yabitangaje.

Mu yindi mikino yabaye, ikipe ya Rayon Sports i Muhanga yahatsindiwe na AS kigali ibitego 3-1, ibitego byinjijwe na Hakizimana Muhadjir, Hussein Tchabalala, na Abed Biramahire.

Mu yindi mikino, ikipe ya APR FC yatsinze Espoir igitego 1-0 kuri stade ya Huye, mu gihe umukino wagombaga guhuza Rutsiro Fc na Marine FC kuri Stade Umuganda mu karere ka Rubavu wo wasubitswe.

Mu makipe ahatanira imyanya guhera ku wa 9, Gorilla Fc yatsinze  Etincelles Fc ibitego 4-2 ku Mumena, naho Gasogi itsinda Musanze ibitego 4-1, i Musanze.

Imikino izakomeza kuri uyu wa Mbere, ahategerejwe cyane umukino uzahuza ikipe ya Police Fc na Bugesera i Bugesera.