Abakuru b'ibihugu byo muri EAC bazigira hamwe ibibazo bigaragara mu karere

AGEZWEHO


Abakuru b'ibihugu byo muri EAC bazigira hamwe ibibazo bigaragara mu karere

Yanditswe September, 06 2016 at 11:00 AM | 622 Views



Abakuru b’ibihugu bitandatu bigize Umuryango wa Afurika y’Iburasirazuba (EAC) bazahurira mu nama idasanzwe mu mujyi wa Dar es Salaam muri Tanzania kuri uyu wa Kane.

Iyo nama y’Abakuru b’Ibihugu nibwo bwa mbere izaba yitabiriwe n’uwa Sudani y’Epfo, Salva Kiir. Izanitabirirwa na Perezida w’u Rwanda, Paul Kagame, uwa Kenya, Uhuru Kenyatta, Yoweri Museveni wa Uganda, uw’u Burundi, Pierre Nkurunziza na Magufuli wa Tanzania ari nawe uzayakira.

Minisitiri w’Ububanyi n’Amahanga wa Tanzania, Dr. Augustine Mahiga yabwiye itangazamakuru ko ubu Sudani y’Epfo yamaze kuba umunyamuryango uhoraho wa EAC, nyuma y’uko ku wa Mbere itanze ibyangombwa bya nyuma biyemerera kwinjira muri uyu muryango.

Dr Mahiga, unayoboye inama y’Abaminisitiri ya EAC, yavuze ko kuva ubu abaminisitiri n’abandi badipolomate ba Sudani y’Epfo bazajya bahagararirwa mu nama zose zirebana n’uyu muryango.

Umunyamabanga wa EAC, Amb. Liberat Mfumukeko yashimiye Perezida Kiir, guverinoma n’abaturage ba Sudani y’Epfo ku bw’ingufu bashyize mu kwishyira hamwe n’ibindi bihugu bya Afurika y’Uburasirazuba, nk’uko Daily News dukesha iyi nkuru ibitangaza.

Perezida w’u Burundi, Pierre Nkurunziza naramuka yitabiriye inama yo ku wa Kane, ni yo ya mbere azaba agaragayemo kuva mu mwaka ushize ubwo yaje mu nama y’abakuru b’ibihugu nayo yabereye muri Tanzania, bamwe mu basirikare bakuru bakagerageza kumuhirika ku butegetsi.




Ba wambere gutanga igitekerezo

Tanga igitekerezo:



RSS FEED

Inzego z'iperereza za gisirikare mu karere ka EAC ziteraniye i Rubavu

Kuba hari ibihugu bitarasinya amasezerano ya EPA biracyari imbogamizi--Kanimba

Igikorwa cyo gutambagiza urumuri rw'amahoro kiri mu byabanjirije KIPM

Abadepite 9 nibo batorewe guhagararira u Rwanda mu nteko nshingamategeko ya EALA

Abaturage bagize ibihugu bya EAC bazatangira gukoresha pasiporo ya EAC mu 2018

Libreville: Perezida Kagame yitabiriye inama ya CEEAC