Abanyafurika bakwiye kubakira ku muco kugirango bagere ku iterambere-MINISPOC

AGEZWEHO


Abanyafurika bakwiye kubakira ku muco kugirango bagere ku iterambere-MINISPOC

Yanditswe August, 02 2016 at 10:26 AM | 1457 Views



Minisiteri y'umuco na Siporo isanga Abanyarwanda n'Abanyafurika muri rusange bakwiye kubakira ku muco kugirango bagere ku iterambere ryihuse mu nzego zitandukanye mu bihugu bigize uyu mugabane. Ibi Minisitiri Uwacu Julienne yabivuze ku mugoroba wo kuri uyu wa mbere, ubwo i Kigali hatangizwaga ku mugaragaro Iserukiramuco nyafurika ry'imbyino ribaye ku nshuro ya 9 “FESPAD2016”.

Abitabiriye iyi FESPAD baturutse mu bihugu bitandukanye bya Afurika, bagaragariza bimwe mu biranga umuco w'ibihugu bakomokamo babinyujije mu mbyino gakondo. Bavuga ko uyu ari umwanya mwiza wo gusangira ibyiza bikubiye mu muco wa buri gihugu ndetse no kurushaho gusabana hagamijwe no gufatira amasomo ku iterambere abandi baba bamaze kugeraho.


Iri serukiramuco ribaye mu gihe abanyarwanda bitegura kwizihiza umunsi mukuru ngarukamwaka w'Umuganura uzaba ku wa gatanu. Minisitiri w'umuco na Siporo Uwacu Julienne aritangiza ku mugaragaro, yavuze ko iterambere rigerwaho ari uko ryubakiye ku muco. Asaba abanyarwanda gusigasira umuco nyarwanda, kuko ariwo ngobyi y'ahazaza heza h'igihugu.

Iri serukiramuco nyafurika ry'imbyino zirimo iza gakondo ndetse n'izigezweho ribaye ku nshuro ya 9 ryitabiriwe n'ababyinnyi bo mu matorero yo mu bihugu bitandukanye bya Afurika birimo nka Senegal, u Rwanda, Kenya n’ibindi. Ryabimburiwe n'umutambagiro w'abaryitabiriye wahereye i Nyamirambo usorezwa kuri Petit Stade i Remera, ahanabera imurika ry'umusaruro wa bimwe mu byagezweho mu rwego rwo guteza imbere umuco nyarwanda. Biteganyijwe ko rikomereza mu ntara zose z'u Rwanda, rikazasozwa ku wa gatanu w'iki cyumweru binahuzwa no kwizihiza umunsi mukuru w'umuganura mu birori bizabera i Nyanza mu ntara y'amajyepfo.



Photos: Flickr Minispoc



Ba wambere gutanga igitekerezo

Tanga igitekerezo:



RSS FEED

U Rwanda na Togo basinye amasezerano y'ubufatanye mu ngendo zo mu kirere

Rwandair yatangije bwa mbere urugendo rugana mu mujyi wa Cape Town(South Africa)

Polisi y'igihugu yatangije ibikorwa ifatanya n'abaturage bizwi nka �

Sena y'u Rwanda yarebeye hamwe amategeko rusange agenga ibigo bya leta

Inzibutso za Jenoside 4 zishobora kujya ku rutonde rw'umurage w'isi

Nyuma yaho sima nyarwanda ibereye nke ibiciro by'izindi sima bikomeje kwiyo

RTV SCHEDULE