Abahanga mu by'imiti bahangayikishijwe n'abiyitirira umwuga wabo

Abahanga mu by'imiti bahangayikishijwe n'ikibazo cy'abiyitirira uyu mwuga bagatanga imiti mu mafarumasi batabifitiye ubumenyi bikaba byagira ingaruka ku buzima bw'abaturage.

Abahanga mu by'imiti bakora muri farumasi bavuga ko hari abiyitirira uyu mwuga bagatanga imiti batabifitiye ubumenyi kuburyo bigira ingaruka ku buzima bw'abaturage bitewe n'ikibazo cy'imiti yakoreshejwe nabi.

Ubuyobozi bw'Ikigo gishinzwe kugenzura imiti n'ibiribwa mu Rwanda buvuga ko bwakoze ubugenzuzi mu mafarumasi busanga hari amakosa agenda akorwa mu bucuruzi bw'imiti.Umuyobozi w'agateganyo w'iki kigo Charles Karangwa avuga ko umwaka utaha bazatangira gukoresha ikoranabuhanga  ribafasha ku menya umuti watanzwe niba wujuje ubuziranenge ndetse n'uwawutanze niba abifitiye ubumenyi.

Mu Rwanda habarurwa  farumasi 417 zikora ubucuruzi bw'imiti.Ni mugihe urugaga rw'abahanga mu by'imiti rufite abanyamuryango banditswe kandi bemerewe gukora aka kazi bagera ku 1000.

Inkuru mu mashusho

Jean Paul TURATSINZE