Impuguke zisanga ibitekerezo by’ubuhezanguni ari inzitizi ku ihame ry’uburinganire

Impuguke mu by’uburinganire n’ubwuzuzanye hagati y’abagabo n’abagore barasaba abantu b’ingeri zose kwirinda imyumvire ishobora gutuma iri hame ryumvikana nko guhangana hagati y’abagabo n’abagore.

Abatungwa urutoki ni abiyita impirimbanyi barangwa n’ubuhezanguni buturuka mu bihugu byo mu burengerazuba bw’Isi.

Kuva politiki y’iterambere ry’uburinganire n’ubwuzuzanye yatangira mu Rwanda impinduka zishingiye ku ruhare rw’abagore mu iterambere ry’igihugu zigaragarira mu nzego zose z’imirimo.

Ni impinduka zigaragarira no mu mibereho ya buri munsi y’umuryango nyarwanda, ibintu Minisitiri w’Uburinganire n’iterambere ry’umuryango Prof. Jeannette Bayisenge avuga ko bitanga icyizere cy’ejo hazaza.

Ku rundi ruhande ariko imyumvire ya bamwe ku ihame ry’uburinganire n’ubwuzuzanye hagati y’abagabo n’abagore iracyari hasi ku buryo hari n’ababifata nk’ihangana hagati y’ibitsina byombi. Kuri ubu bene iyi myumvire inakwirakwizwa hifashishijwe imbuga nkoranyambaga.

Inkuru irambuye

Divin UWAYO