Abanyarwanda baba muri Mozambique bakoze umuganda rusange mu kwizihiza umunsi wo kwibohora

Abanyarwanda baba i Maputo muri Mozambique n'inshuti z'u Rwanda zo muri icyo gihugu, bakoze umuganda rusange mu rwego rwo kwizihiza umunsi wo kwibohora. 

Ambasaderi w'u Rwanda muri Mozambique, Nikobisanzwe Jean Claude avuga ko gukorera umuganda muri iki gihugu biri mu rwego rwo kumenyekanisha umuco nyarwanda mu mahanga.

Yagize ati "Iki gikorwa kiri mu muco nyarwanda kuko buri kwezi dukora icyo twita umuganda, umuganda rero akaba ari igikorwa gihuriza hamwe abaturage buri kuwa 6 wa nyuma w’ukwezi. Tukaba natwe twaratangije bene iki gikorwa hano, ubu ni ubwa 3 dukoze umuganda i Maputo, twatumiye n’incuti zacu z’abanyamozambike, ni yo mpamvu mubona hari umubare munini w’abitabiriye harimo n’abanyamozambike."

Uyu muganda waranzwe no gutera ibiti mu murwa mukuru Maputo.