AGEZWEHO

  • Hatangijwe umushinga wo kongera umusaruro w'ibyoherezwa mu mahanga – Soma inkuru...
  • Abasenateri bagaragaje impungenge ku bakekwaho Jenoside bagikingirwa ikibaba n’amahanga – Soma inkuru...

Gen. Kabarebe yasabye urubyiruko guharanira kuba Intwari

Yanditswe Mar, 12 2023 20:07 PM | 54,087 Views



Umujyanama wa Perezida wa Repubulika mu by’umutekano, Gen. James Kabarebe yasabye urubyiruko guharanira kuba intwari kuko bafite abo bigiraho bahagaritse Jenoside yakorewe Abatutsi.

Ibi yabibwiye urubyiruko rubarirwa muri 600 rwo mu Mujyi wa Kigali rwasoje icyiciro cya 3 cya gahunda yiswe “rubyiruko menya amateka yawe”.

Uru rubyiruko 600 rwo mu Mujyi wa Kigali ni rwo rwujuje umubare w’abasore n’inkumi 1800, bahawe inyigisho ku mateka yo kubohora Igihugu no guhagarika Jenoside yakorewe Abatutsi mu Rwanda mu 1994.

Rwabanje gusura urwibutso rwa Jenoside rwa Kigali ruri ku Gisozi basobanurirwa amateka ajyanye n’uko yateguwe ikanashyirwa mu bikorwa, nyuma bakomereza mungoro y’amateka y’urugamba rwo kubohora igihugu iri ku Kimihurura.

Basoreje ku kiganiro bahawe n’umujyanama wa Perezida Repubulika mu bijyanye n'umutekano, Gen James Kabarebe.

Yagarutse ku nshingano zabo, icyo igihugu kibifuzaho n'ubushobozi bafite bwo gukomeza kubaka u Rwanda rutandukanye n'urwo mu bihe bya Jenoside yakorewe Abatutsi.

Uru rubyiruko rwasabye Gen. James Kabarebe kubakorera ubuvugizi bakoroherezwa kwinjira mu mirimo izabafasha gukorera igihugu bakiri bato.

Uru rubyiruko rwanagarutse kandi ku mikorere y'ingabo z'u Rwanda nyuma y'uko bakiriye bamwe mu bari ingabo za Leta yagize uruhare muri Jenoside yakorewe abatutsi.

Minisitiri w'Urubyiruko n'Umuco, Rosemary Mbabazi washoje ku mugaragaro iri sangano ry'urubyiruko, yabashimiye kuba baritabiriye iyi gahunda kuko ifitiye igihugu akamaro.

Mu bindi bikorwa byaranze iri sangano ry'urubyiruko muri gahunda yiswe rubyiruko menya amateka yawe, harimo gusabana binyuze mu mikino n'imyidagaduro, kwitabira ibikorwa by'umuganda n'inyigisho zo gukunda igihugu.

Jean Paul MANIRAHO



Ba uwambere gutanga igitekerezo

Tanga igitekerezo:



RSS FEED

Hatangijwe umushinga wo kongera umusaruro w'ibyoherezwa mu mahanga

Abasenateri bagaragaje impungenge ku bakekwaho Jenoside bagikingirwa ikibaba n&r

U Rwanda rwashoye miliyari 90 Frw yo kugaburira abana ku mashuri mu 2023/2024

Minisitiri Prof. Bayisenge yasuye urubyiruko rw'i Huye, aruha umukoro wo kw

Nyamasheke: Abagororwa 18 bafungiye ibyaha bya Jenoside basabye imbabazi abo bic

Inyungu iri mu kwifashisha drones mu kohereza ibicuruzwa ku mahoteli

EU yasabye RDC kwirinda imvugo zibiba urwango n'amacakubiri biteza intambar

Abafite amasambu hafi y’Ikiyaga cya Ruhondo basabye ko abayigabije bayakur