AGEZWEHO

  • Minisitiri w'Intebe wa Chad yeguye – Soma inkuru...
  • Miliyari 2,8 Frw zashowe mu kwagura uruganda rw’imyenda i Burera – Soma inkuru...

#Kwibuka30: Arsenal FC na Bayern Munich byafashe u Rwanda mu mugongo

Yanditswe Apr, 07 2024 16:24 PM | 184,013 Views



Abakinnyi ba Arsenal FC na Bayern Munich bifatanyije n’u Rwanda mu #Kwibuka30 ndetse baha Abanyarwanda ubutumwa bwo kubakomeza muri ibi bihe.

Kuri iki Cyumweru, tariki ya 7 Mata 2024, ni bwo u Rwanda rwifatanyije n’Isi mu gutangiza Icyumweru cy’Icyunamo n’iminsi 100 yo #Kwibuka.

Mu kwifatanya n’u Rwanda, abanyamahanga n’inshuti zarwo zitandukanye zaruhaye ubutumwa bwo kwifatanya na rwo.

Mu bafashe u Rwanda mu mugongo harimo n’amakipe ya Arsenal FC na Bayern Munich FC, asanzwe akorana na rwo mu kubwamamariza ubukerarugendo.

Abakinnyi b'Ikipe ya Arsenal mu bagabo n'abagore ndetse n'abanyabigwi bayo batanze ubutumwa bwo kwifatanya n'Abanyarwanda mu gutangiza ibikorwa byo #Kwibuka30.

Mu batanze ubutumwa harimo abakinnyi b’ikipe y’abagabo n’iy’abagore ndetse n’abanyabigwi bayo basuye u Rwanda bakareba uko rwiyubatse nyuma ya Jenoside yakorewe Abatutsi yahitanye ubuzima bw’inzirakarengane zirenga miliyoni mu mezi atatu.

Mu butumwa bwabo, banasabye urubyiruko kunga ubumwe no gukomeza gukurikira intego zabo kugira ngo bazakabye inzozi bihaye mu buzima.


Ku rundi ruhande, abakinnyi ba Bayern Munich na bo bifatanyije n'Abanyarwanda mu #Kwibuka30 ndetse banashima umurava n'ubumuntu bwabo byatumye batanga umusanzu ugana ku iterambere Igihugu cyagezeho mu myaka 30 ishize.

Mu butumwa bwabo, bavuze ko bashima umurava, ubumuntu n’ubudaheranwa bw’Abanyarwanda mu kubaka u Rwanda rushya, rutavangura.

Perezida Paul Kagame na Madamu Jeannette Kagame ni bo batangije Icyumweru cy’Icyunamo ndetse banacana urumuri rw’icyizere ruzamara iminsi 100. Tariki ya 7 Mata ni Umunsi Mpuzamahanga ngarukamwaka Isi yose yibukaho Jenoside yakorewe Abatutsi. 





Ba uwambere gutanga igitekerezo

Tanga igitekerezo:



RSS FEED

Minisitiri w'Intebe yashimye uruhare amashuri y'ubumenyi ngiro agira k

Perezida Kagame yakiriye Prof Murenzi umwarimu muri Kaminuza ya Worcester Polyte

Abanyeshuri bo muri Kaminuza y’u Rwanda bagiye kujya bigishwa indimi

Ingengo y’imari Leta ishyira mu kugaburira abana ku ishuri yikubye inshuro

Nyamasheke: Abanyeshuri basaga 900 bo ku ishuri rya Nyarutovu bamaze icyumweru b

Abana basaga ibihumbi 177 bataye ishuri: Hari gushakwa umuti w’iki kibazo

Guverinoma iri gucoca ibibazo bigaragara mu burezi

Gahunda yo kuzamura ireme ry’uburezi mu mashuri abanza imaze gushinga imiz